لە چوارچێوەی کەمپەینی "نا بۆ سێدارە، بەڵێ بۆ ژیان" کە لە سەرانسەری جیهان بەڕێوەدەچێت، لەبەردەم باڵیۆزخانەی ئێران لە شاری ئۆسلۆی نەرویژ چالاکییەک ئەنجامدرا.

چالاکییەکە لەلایەن کۆمیتەی پارتی ژیانی ئازادیی کوردستان (پژاک) و کۆمەڵەی ژنانی ئازادی ڕۆژهەڵاتی کوردستان (کژار) لە نەرویژ ڕێکخرا. لە چالاکییەکەدا داواکرا سزای لەسێدارەدانی پەخشان عەزیزی و وریشە مورادی و شەریفە محەمەدی و زیندانیانی تر هەڵبوەشێنەوە.

چالاکوانان دووپاتیان کردەوە، سزای نامرۆڤانەی لەسێدارەدان دەبێت نەمێنێت.

کەنەکە و کۆمەڵە و چەندین ڕێکخراو پشتگیری چالاکییەکەیان کرد.

لە چالاکییەکەدا درووشمی "ژن ژیان ئازادی" و "نا بۆ سێدارە" و "ژیانی ئازاد" بەرزکرایەوە.