ساڵیادی دامەزراندنی پەکەکە لە ڤییەنا پیرۆزکرا
لە ڤییەنای پایتەختی نەمسا بە بۆنەی ٤٤ەمین ساڵیادی دامەزراندنی پەکەکەوە ئاهەنگێک سازکرا.
کوردستانیان و دۆستانیان رۆژی شەممە لە ڤییەنا کۆبوونەوە و ٤٤ەمین ساڵیادی دامەزراندنی پەکەکەیان پیرۆز کرد.
لە هۆڵی ئاهەنگەکە کە لەلایەن ناوەندی کۆمەڵگای کوردەوە رێکخرابوو، پلاکاردی یەک لە کادرە پێشەنگەکانی پەکەکە مەزڵوم دۆغان و هاوڕێیانی هەڵواسرابوو. هەروەها هۆڵەکە بە ئاڵاکانی یەپەگە، یەپەژە و هەپەگەوە رازێنرابووەوە.
لەئاهەنگەکەدا کە بە خولەکێک رێزلێنان دەستیپێکرد، پاشان هاوسەرۆکی فەدا دەمیر چەلیک قسەی کرد و وتی، "لەسایەی رێبەر ئاپۆ ئێمە ناسنامەی خۆمان ناسی".
لە ئاهەنگەکەدا هونەرمەند بەسەر شاهین، هۆزان شەمدین و نوارین و گروپی دەڤران هاتنە سەر شانۆ. لە ئاهەنگەکەدا بێ وچان هەڵپەڕکێ کرا.
هـ . ب
