ڕێکخراوی ڕۆژنامەنوانانی بێسنوور (ڕەسەفە) داتای ١٠ ساڵی دوایی لەکاتی سەرۆکایەتی ڕەجەب تەیب ئەردۆگان پەیوەست بە چاپەمەنی ئاشکرا کرد، بەگوێرەی داتاکان، لە ١٠ ساڵی دوایی، لانی کەم ١٣١ ڕۆژنامەوان زیندانی کراون و ٧٧ ڕۆژنامەوان بە تۆمەتی "سوکایەتی بە سەرۆککۆمار" سزادراون و ٥ ڕۆژنامەوان کوژراون.

ڕایگەیاند پاش هەوڵی سەربازی ١٥ ی تەمموز چەندین ڕۆژنامەوانی ڕۆژنامەکانی ئۆزگور گوندەم و جمهورییەت و سۆزجو و زەمان زیندانی کراون، ڕەسەفە لە ساڵی ٢٠١٨ تورکیای وەک "مەزنترین زیندانی ڕۆژنامەوانان لە جیهاندا" ناساند.

هەروەها چەندین ڕۆژنامەوانی وەک عەبدولرەحمان گۆک و تۆلگا شاردان و مەردان یانارداغ و بارش پەهلیڤان و فورقان کانابای کراونەتە ئامانج.

هەروەها ڕاوەستەی کرد لەسەر پلاتفۆرمەکانی وەک تویتەر و ویکیپیدیا و ئینستاگرام کە لە سەردەمی ئەردۆگان قەدەغەکرابوون.