ناڕەزایی لەدژی هێرشی سەر رێکخستنی پارتی دیموکراتی گەلان (هەدەپە) لە ئیزمیر و کوشتنی دەنیز پۆیراز ئەندامی هەدەپە بەردەوامە. شاندێکی یەکێتی ئەوروپا سەردانی هەدەپەی ئیزمیری کرد. نیکۆلاسوس مەیەر – لاندروت سەرۆکی دەلەگاسیۆنی یەکێتی ئەوروپا لە تورکیا و میرای ئاکداغ راوێژکاری راگەیاندنی یەکێتی ئەوروپا، ئەلکساندر فریک سەرۆکی یەکەی دەلەگاستۆنی یەکێتی ئەوروپا و میرای وەستلینگ بەڕێوەڤەری پرۆژەی دەلەگاسیۆنی یەکێتی ئەوروپا لەنێو شاندەکەدا بوون. پەرلەمانتار مورات چەپنی، بەسریە تەکگور و قادر بادور هاوسەرۆکانی هەدەپە لە ئیزمیر، ئەندامانی ئەنجومەنی دایکانی ئاشتی پێشوازیان لە شاندەکە کرد. شاندەکە سەرەتا ئەو شوێنەی بەسەرکردەوە کە دەنیز پۆیرازی تێدا کوژرابوو.

نیکۆلاسوس مەیەر – لاندروت یادی پۆیرازی کردەوە و سەرەخۆشی خۆی ئاڕاستەی خانەوادەی پۆیراز و هەدەپە کرد. شاندەکە دواتر دەستی بە لێکۆلینەوە کرد و لەبارەی رووداوەکە زانیاری کۆکردەوە.

نیکۆلاسوس مەیەر – لاندروت  دواتر وتەیەکی پێشکەش کرد و وتی، "بۆ ئەوەی هێرشەکەی سەر هەدەپە شەرمەزار بکەین، ئێمە لیرەین. رێزی خۆمان ئاڕاستەی پۆیراز و خانەوادەکەی دەکەین. لە هەمانکاتدا دڵسۆزی خۆم پێشکەش بە بەڕێوەبەرانی هەدەپە لە هەریمەکە دەکەم."

دوای قسەکردن، کۆبونەوەیەکی داخراو لەنێوان هەردوولایەندا ئەنجامدرا. کۆبونەوەکە نزیکەی نیو کاتژمێر بەردەوام بوو. نیکۆلاسوس مەیەر – لاندروت دوای کۆبونەوەیە گوڵی لەو شوێنە دانا کە پۆیرازی تێدا کوژرابوو. دوای خولەکێک رێزگرتن شاندەکە کۆتایی بە سەردانەکەی لە باڵەخانەی هەدەپەی ئیزمیر هێنا.

ف.ق