زەکیە ئاڵکان ساڵی ١٩٩٠ لە ئاهەنگی نەورۆزی ئامەد لەسەر دیوارەکان جەستەی خۆی سوتاند و شەهید بوو، دایکی شەهید زەکی، عیسمەت ئاڵکان لە ١٥ ی تشرینی یەکەم، ڕۆژی یەکشەمە، بەهۆی نەخۆشی دڵەوە ڕەوانەی نەخۆشخانەی زانکۆی ٩ ی ئەیلول کرا، سەرەڕای هەوڵەکان نەتوانرا ڕزگار بکرێت.

لە مەراسیمەکەدا، بنەماڵەی ئاڵکان، دایکانی ئاشتی، چالاکوانانی تەڤگەری ژنانی ئازاد (تەژەئا)، کۆمەڵەی زیندانیان و حکومدراوانی ئیجە (EGE TUHAYDER)، بەڕێوەبەرانی (هەدەپ) ئامادە بوون. پاش ڕێزگرتن، تەرمی ئاڵکان لە گۆڕستانی نارلیدەر بەخاکسپێردرا.

لەسەر گۆڕی عیسمەت ئاڵکان گوڵ دانرا و مۆم داگیرسێنرا.