لە چوارچێوەی ئەو لێپرسینەوەیی لە لایەن داواکاری گشتی کۆماری ئەستەنبوڵەوە دەستپێکراوە، ١٣٤ کەسی دیکە بە پاساوی "لە ڕۆژانی ١٩ بۆ ٢٣ی ئادار سەرپێچی بڕیاری قەدەغەکردنی پارێزگاری ئەستەنبوڵ جوڵاونەتەوە" دەستەسەر کراون و دواتر لە بەڕێوەبەرایەتی پۆلیسەوە ڕەوانی دادگا کران.

لەو ١٣٤ کەسەی کە لە دادگای ئەستەنبوڵ لە چاگلاین وتەیان لێ وەرگیراوە ٧٣ کەسییان بە خواستی زیندانیکردن و ٦١ی کەسی دیکەشیان بە مەبەستی چاودێریکردنی یاسایی ڕەوانەی دادگای سزاسی سوڵح کراون.

دادگا بڕیاری زیندانیکردنی بۆ ٥٣ کەس داو و بۆ ١٨ کەسیش بڕیاری "مانەوە لە ماڵ" دا. هەروەها ٦٣ کەسی دیکەشییان بە مەرجی چاودێری یاسایی ئازاد کران.

بەم زیندانیکراوانەوە ژمارەی زیندانیکراوانی چالاکییە شەرمەزار کردنەکان گەیشتە ٢٦٣ کەس.