گەنجانی کورد لە پاریس چالاکییان بۆ ئۆجالان ئەنجامدا
گەنجانی کورد لە ناوچەى ڤیلێرس لوبێلی شاری پاریسی پایتەختى فەرەنسا چالاکییان بۆ ئۆجالان ئەنجامدا.
گەنجانی کورد لە ناوچەى ڤیلێرس لوبێلی شاری پاریسی پایتەختى فەرەنسا چالاکییان بۆ ئۆجالان ئەنجامدا.
گەنجانی بزووتنەوەى گەنجانى شۆڕشگێڕ (TCŞ) و ژنانى گەنجی ئازاد (JCA) لە چوارچێوەی هەڵمەتى "رێگا مەدە" و بە دروشمی "رێگا بە گۆشەگیری مەدە" ئێوارەى دوێنێ دوشەمە لە ناوچەى ڤیلێرس لوبێلیی پاریس چالاکییەکیان ئەنجامدا.
لە چالاکییەکەدا ئاگرکەوتنەوە لە دوورگەی ئیمراڵی بەبیرهێنرایەوە و داواکرا پارێزەران و شاندێکى سەربەخۆ بڕۆن بۆ دوورگەى ئیمراڵی و چاوپێکەوتن لەگەڵ عەبدوڵا ئۆجالان رێبەری گەلی کورد و زیندانیانى تری سیاسی لە ئیمراڵی ئەنجانم بدەن.
گەنجان ئێوارەى دوێنێ لە کاتژمێر ١٩:٣٠ کۆبوونەوە و بە بەرزکردنەوەى پۆستەرەکانى ئۆجالان دەستیان بە رێپێوانکرد. گەنجان لە رێپێوانەکەدا بە زمانەکانى کوردی و فەرەنسی دروشمیان وتەوە و فیشەکە شێتەیان تەقاند و دوکەڵی رەنگاورەنگیان بەکارهێنا.
لە چالاکییەکەدا دروشمەکانى "ئێمە جیهانی بەبێ ئۆجالان بەسەر سەرتاندا دەڕوخێنین"، "بژی رێبەر ئاپۆ" و "ئازادی بۆ ئۆجالان" وترانەوە.
رێپێوانەکە ماوەى کاتژمێرێک بەردەوام بوو و دوای رێپێوانەکە لە بەردەم وێستگەى سەرەکیی ترێنی ڤیلێرس لوبێلی کۆبوونەوە و چالاکوانان رایانگەیاند، تاوەکو وەڵامی داواکەیان نەدرێتەوە درێژە بە چالاکییەکانیان دەدەن.
ژ.ت