ژمارەی کوژراوانی غەززە گەیشتە ٢٥ هەزار و ٧٠٠ کەس
وەزارەتی تەندروستی بزووتنەوەی حەماس ڕایگەیاند، لە ٧ی تشرینی یەکەمەوە تا ئێستا ٢٥ هەزار و ٧٠٠ کەس لە شەڕی غەززە کوژراون.
وەزارەتی تەندروستی بزووتنەوەی حەماس کە کۆنترۆڵی غەززەی لەدەستدایە، لە ١١٠هەمین ڕۆژی شەڕدا ژمارەی نوێی قوربانیانی شەڕەکەی بڵاو کردەوە و ڕایگەیاند کە ٢٥ هەزار و ٧٠٠ کەس ژیانیان لە دەست داوە.
وەزارەتەکە ڕایگەیاند لە ماوەی ٢٤ کاتژمێری ڕابردوودا ٢١٠ فەلەستینی کوژراون و ٣٨٦ کەسیش بریندار بوون.
بە پێی ئەم ڕاگەیەندراوە، لە ٧ی تشرینی دووەمەوە تا ئێستا ٦٣ هەزار و ٧٤٠ کەس بریندار بوون.
سەختترین شەڕ لە خان یونس ڕوودەدات. سوپای ئیسرائیل ڕایگەیاند، گەمارۆی ئەو شوێنە نیشتەجێبووانەی لە باشووری ناوچەکە داوە و ئۆپەراسیۆنە سەربازییەکانیان چڕتر کردووتەوە.
ڕێکخراوی کۆمەڵگەی مەدەنی پزیشکانی بێسنوور ئاشکرای کرد، نیگەرانی سەلامەتی ئەو کەسانەن لە نەخۆشخانەی خان یونس دەمێننەوە.
سوپای ئیسرائیل بۆردومانی شارەکە و دەوروبەری زیاتر کردووە و فەرمانی چۆڵکردنی ئەو ناوچەیەی دەرکردووە کە نەخۆشخانەکەی لێیە.
