بە گوێرەی راپۆرتێکی رێکخراوی کۆچی نێونەتەوەیی لە ساڵی ٢٠٢٣دا زیاتر لە پێنج هەزار کەس لە کەمپەکانی ئاوارەکانەوە گەڕاونەتەوە بۆ شەنگال. ئەو ژمارەیە تادێت روو لە زیادبوون دەکات و بەسەدان ئاوارەی دیکەش ناوی خۆیان بۆ گەڕانەوە تۆمارکردووە.
بەهۆی فەرمانەکەی ٣ی ئابی ٢٠١٤ خەڵکی ئێزدی بەتایبەتی خەڵکی شەنگال وەک ئاوارە و کۆچبەر بە سەرتاسەری جیهاندا بڵاوبوونەوە و ژمارەیەکی زۆریشیان روویان لە کەمپەکانی باشووری کوردستان کرد.
لە سەرتاسەری هەرێمی باشووری کوردستان ٢٦ کەم هەیە، کە زۆرینەیان لە پاڕێزگای دهۆکن. ١٠ لەو کەمپانە تایبەتن بە خەڵکی شەنگال و کەمپێکی ئێدییەکانیش لە سلێمانییە.
بە گوێرەی راپۆرتێکی رێکخراوی کۆچی نێونەتەوەیی (ئای ئۆ ئێم) لە ٢٠٢٣دا زیاتر لە ٥ هەزار کەس لە کەمپەکانەوە گەڕاونەتەوە بۆ شەنگا و ئەو ژمارەیە روو لە بەرزبوونەوەیە.
وەزارەتی کۆچ و کۆچبەرانی عێراقیش رایگەیاند کە دەبێت هەموو ئاوارە و کۆچبەرانی شەنگال بگەڕێنەوە سەر زێد و ماڵوحاڵی خۆیان. لەبەرامبەردا حکومەتی هەرێمی باشووری کوردستان رایگەیاندووە، کە ئامادەییان نییە بۆ گەڕانەوەی ئەو ئاوارانە. تائێستا وەزارەتی کۆچ و کۆچبەرانی عێراق لە سەر گەڕانەوەی ئاوارەکان بۆ شەنگا رێکنەکەوتوون.
هەرچی خەڵکی شەنگالن لە کەمپەکانی ئاوارەکان تا دێت ژمارەیەکی زیاتریان روو لە نوسینگەکانی گەڕانەوەی ئاوارەکان دەکەن و بەگوێرەی زانیارییەکان تائێستا زیاتر لە دوو هەزار کەس ناوی خۆیان بە مەبەستی گەڕانەوە بۆ شەنگال تۆمار کردووە.
هـ . ب
