بزووتنەوەی گۆڕان، ڕاگەیەندراویکی لەبارەی تیرۆرکردنی شوکری سەرحەد، ئەندامی کۆمیتەی خانەوادەی شەهیدانی پەکەکە لە باشووری کوردستان، بڵاوکردەوە.

لە ڕاگەیەندراوەکەدا هاتووە:”بەداخەوە، ھەواڵی تیرۆرکردنی چالاکێکی سیاسیی (شوكری سە‌رحە‌د)مان لە شاری سلێمانی پێگەیشت”.

هەروەها هاتووە”بەتوندی ئیدانەی ئەم کردەوە تیرۆریستیە و ھەر ھەوڵێکی توندوتیژی دەکەین کە ئارامی و ئاسایشی ھەرێمی کوردستان و شاری سلێمانی بە ئامانج دەگرێ:.

لە کۆتاییدا بزووتنەوەی گۆڕان داوادەکات”لایەنی پەیوەندیدار بە زوویی سەرەداوی پشت ئەم تاوانە ئاشکرا بکەن و تاوانکاران بە سزای خۆیان بگەیەندرێن”.