بە گوێرەی هەواڵێکی میدیاکانی رۆژهەڵاتی کوردستان، هێزەکانی ئێران ئێوارەی دوێنێ شەممە لە ناوچەی هەنگەژاڵی بانە تەقەیان لە ژمارەیەک کۆڵبەر کردووە و بەهۆیەوە ئەحمەد سادقی تەمەن ٣٢ ساڵ ژیانی لەدەستداوە.

ئەحمەد سادقی خەڵکی گوندی قەباغڵوی سەقز بووە و خێزاندار و باوکی دوو منداڵ بووە.

بە گوێرەی ئامارەکان لە ١٠ مانگی رابردوودا لە ئەنجامی تەقەی هێزەکانی ئێران لانیکەم ١٨ کۆڵبەر کوژراون، کە بەشێکی بەرچاویان لە سنووری بانە بوون و هەردوێنێ بە هۆی تەقەی هێزەکانی ئێرانەوە سێ کۆڵبەر لەو ناوچەیە بریندارببوون.

هـ . ب