ئەو هاوکارییەی بە پێشەنگایەتی ئیدارەی خۆبەڕێوەبەری شەنگال و تەڤگەری ئازادیی ژنانی ئێزدی (تاژێ) لە ٨ ی کانوونی یەکەمی ٢٠٢٤ ـەوە بۆ کۆچبەرانی شەهبا و تەل ڕەفعەت و عەفرین کۆکرایەوە، پاش هەوڵێکی زۆر گەیشتە ڕۆژئاوای کوردستان.

بەپێی زانیارییەکان لە کۆی ١٢ بارهەڵگری هاوکاری، بەرپرسانی عێراق ڕێگەیان بە تێپەڕبوونی ٣ بارهەڵگر داوە.

بەرپرسان بەڵێنیان داوە ئەو بارهەڵگرانەی ماونەتەوە، وەک کاروانی دووەم بنێرین.

سێ بارهەڵگرەکە لە دەروازەی سنووری تەل کۆچەرەوە گەیشتنە ڕۆژئاوای کوردستان.

شاندەکە پێویستییە ژیانییەکان و بەتایبەت پێویستییەکانی منداڵان، ڕادەستی کۆچبەرانی عەفرین و شەهبا دەکەن.