ناوەندی راگەیاندن و چاپەمەنیی هەپەگە دەربارەی ئەو گەریلا شەهیدانەوە ئەم زانیارییانەی بڵاوکردەوە:

"لەم سەردەمەدا، کە لە دژی هێرشە داگیرکارییەکان یەکێکە لە شکۆدارترین و بە هەیبەتترین بەرخۆدانەکانی مێژووی کوردستان بەڕێوەدەچێت، گەریلاکانی ئازادیی کوردستان قوربانیی و فیداکارییەکی زۆر و قورس بۆ پاراستنی شکۆ و ئامانجی ئازادی گەلەکەمان شەڕێکی گەورەی ئیرادەیی دەکەن. لەم شەڕەی ئیرادەیەدا دەوڵەتی تورکی داگیرکەر سەرباری بەکارهێنانی هەموو توانا و تەکنیک و تەکنەلۆژیەکانی لە دژی گەریلاکانی ئازادیی کوردستان، بەڵام هەر تێکدەشکێت. سوپای داگیرکەر دەیەوێت بە هەموو هەرێمەکانی پاراستنی مەدیادا شەڕ بڵاوبکاتەوە و بەم شێوەیە سەرکەوتنی درۆینە و ساختە بەدەست بهێنێت، هەموو کاتژمێرێکی شەو و ڕۆژ لەلایەن هێزەکانمانەوە گورزی قورسیان لێدەدرێت. تێکۆشانی هەڤاڵانمان بە فیداکاری و باوەڕێکی زۆرەوە بەڕێوەدەچێت، بێگومان ئەو فیداکاری و شەڕ و تێکۆشانە بە قوربانیدانی قورس بەردەوامە. هەڤاڵانمان گۆڤەن و ڤورین بە هەڵوێستی فیدایانەى خۆیان لە دژی هێرشەکانی دوژمن، ئەرکی پێشەنگایەتییان بەجێ هێنا بۆ فراوانکردنی بەرخۆدانەکەمان ئەرکەکانی خۆیان سەرکەوتوانە جێبەجێ کرد. هەتا دوا هەناسە بە باوەڕ و فەلسەفەی ئاپۆییەوە شەڕیان کرد شەهید بوون. ئێمە بەڵێن دەدەین، کە خەبات و تێکۆشانی ئەو هاوڕێیانەمان بە دڵنیایی و مسۆگەرییەوە سەربخەین.

زانیاری لەسەر ناسنامەی هەڤاڵە شەهیدەکانمان بەمشێوەیەیە:

نازناو: گوڤەن دۆزا

ناو و پاشناو: جانجەل دوورسون

شوێنی لەدایکبوون: کۆجائەلی

ناوی دایک و باوک: فاتمە - محەممەد زەکی

کات و شوێنی شەهیدبوون: تەمموزی ٢٠٢٢ / هەرێمەکانی پاراستنی مەدیا

-

-

****

نازناو: ڤۆرین قەساسێ وڵات

ناو و پاشناو: ڕەقیب کوشلو

شوێنی لەدایکبوون: ئامەد

ناوی دایک و باوک: ئامینە - عەلیخان

کات و شوێنی شەهیدبوون: تەمموزی ٢٠٢٢ / هەرێمەکانی پاراستنی مەدیا

-

بە بڕیار و پێداگرییەوە ئێمە ئیدیعا و خەون و تێکۆشانیان بۆ ڕاێبەرایەتیی ئازاد و کوردستانی ئازاد بەدی دەهێنین. لە پێش هەموانەوە سەرەخۆشی لە بنەماڵەی بەهادار و هێژا و ئازیزی هەڤاڵانمان گۆڤەن و ڤۆرین دەکەین، پرسەوە سەرەخۆشیش لە هەموو وڵاتپارێزان و  نیشتمانپەروەرانی کوردستان دەکەین".

ژ.ت