ئومێد سەباح سەرۆکی دیوانی ئەنجومەنی وەزیران، لە کۆنگرەیەکی ڕۆژنامەوانی لە زاخۆ ڕایگەیاند: هەرێمی کوردستان لە هەوڵدایە بۆ زیادکردنی ئاڵوگۆڕی بازرگانی لەگەڵ تورکیا.

 ئەو لێدوانەی ئومێد سەباح لەکاتیکدایە لە دوای کۆمەڵکوژیەکەی دەوڵەتی تورک لە زاخۆ لە عێراق هەڵمەتێکی فراوان بۆ بایکۆتی کاڵای تورکی و ئاڵوگۆڕی بازرگانی دەستیپێکردووە.

دەوڵەتی تورک قەبارەی بازرگانی لەگەڵ عیراقدا پێشتر ٢٠ ملیار دۆلار بووە و پێشتریش دەوڵەتی تورک ڕایگەیاندبوو، لە هەوڵدان قەبارەی بازرگانیان لەگەڵ عێراقدا بەرز بکەنەوە، لە دوای کۆمەڵکوژیەکەی زاخۆ کە تیایدا نۆ کەس شەهید بوون و ٢٣ کەسی دیکەش بریندار بوون، ژوورە بازرگانیەکانی عێراق ڕایانگەیاند، یەکێک لەو کارتانەی عێراق دەتوانێت دژی دەوڵەتی تورک بەکاری بهێنێت بایکۆتی کاڵای تورکیە.

ف.ق