پارتی چەپی سەوز دوای هەڵبژاردنی ١٤ی ئایار بۆ ئەیەک جار لە مێردین بە شێوەی جەماوەری رژایە شەقام. پەرلەمانتارانی پارتی چەپی سەوز لە مێردین و هاوسەرۆکی گشتیی پارتی هەرێمە دیموکراتیکەکان (دەبەپە) ساڵیحە ئایدەنیز لە نسێبین، بێریتان گونەش لە دێرک، گیورگ ئاسلان لە میدیاد و کاموران تانهانیش لە قۆسەر کۆبوونەوەیان لەگەڵ خەڵکدا ساز کرد و چوونە سەردانی دوکانداران. ئایدەنیز و شاندی یاوەری لە قۆسەر بە گەرمی پێشوازییان لێکرا.

ئایدەنیز گوێی بۆ رەخنەی هاووڵاتیان گرت و رایگەیاند، "ئایا ئامادەن ئەو کارەی کە ئێمە لە ١٤ی ئایاردا بە نیوەناچڵی هێشتمانەوە لە ٢٨ی ئایاردا تەواوی بکەین؟". هاووڵاتیان پشتیوانیان لە ئایدەنیز کرد و یەکێک لە هاووڵاتیان وتی، "بە بارهەڵگریش بەسەرماندا بڕۆن ئێمە دەنگی خۆمان دەدەینەوە. بە ئاشکرا دەنگی خۆمان دەدەین".

لە کاتی سەردانی کاسبکاراندا ئایدەنیز و شاندی یاوەری بە چەپڵەڕێزان و هەلهەلە پێشوازییان لێکرا.

هـ . ب