ئەمڕۆ خەڵکی شەنگال بە پێشەنگایەتیی ئەنجومەنی خۆبەڕێوەبەریی دیموکراتی شەنگال (مەخەدەشە)، ڕێپێوانیان لە دژی داگیرکارییەكانی دەوڵەتی تورک کرد.

ڕێپێوانەكەی گەلی شەنگال کە سەدان كەس لە سەرۆک هۆز و کەسایەتیی کۆمەڵگەی ئێزدی تێیدا بەشدار بوون، تا کۆتایی کۆمەڵگەی مەدەنی لەبەردەم بینای شارەوانیی گەلی سنوونێ‌ بەردەوام بوو ‌و تێدا درووشمی (بژی بەرخۆدانی گەریلا) وترایەوە و پۆستەری ڕێبەری گەلی کورد عەبدوڵا ئۆجالان بەرزکرایەوە ‌و دواتر بەناوی مەخەدەشەوە، بەیاننامەیەک خوێنرایەوە.

لە بەیاننامەكەدا كە لەلایەن هاوسەرۆکی ئەنجومەنی گەلی ئێزدیی دوهلا ساڵحەوە خوێنرایەوە، سەرەتا سڵاو لە بەرخۆدانی گەریلاكانی ئازادی لە چیاکانی کوردستان کرا ‌و دواتر ڕایگەیاند: “ئێمە وەک خەڵکی شەنگال، هێرشەکانی دەوڵەتی تورکی داگیرکەر بۆ سەر خاکی عێراق، شەرمەزار دەکەین”.

لە بەیاننامەكەدا، ڕەخنە لە دەسەڵاتی هەرێمی كوردستان ‌و حكومەتی عێراقیش گیرا، كە بێهەڵوێستن لەبەرامبەر داگیركارییەكانی دەوڵەتی تورك.

هەر لە بەیاننامەكەدا هاتبوو: “ئێمە بانگ لە حکومەتی عێراق دەکەین کە چیتر ئەو پێشێلکارییانە قبووڵ ناکات ‌و هۆشداریدان بە دەوڵەتی تورک بە بانگکردنی باڵیۆزكەی لە بەغدا، بەس نییە ‌و پێویستە عێراق بە فەرمی و فرەلایەنی لە دژی ئەو داگیرکارییانە، هەڵوێست نیشان بدا.”

ف.ق