مەراسیمی پرسە بۆ گەریلای هەپەگە محەمەد گوموش کە لە هەرێمەکانی پاراستنی مێدیا لە شەڕی دژی سوپای داگیرکەری تورک شەهید بوو، لە ئامەد بەڕێوە چوو و جەماوەری گەل سەردانی پرسەکەیان کرد.
دوو گەریلای هەپەگە، محەمەد گوموش (ژێهات باگۆک) و موراد ئۆچەک (ساسۆن ئاسمین) لە ١٣ی کانوونی دووەم لە هەرێمەکانی زاپ، ئاڤاشین و مەتینا لە شەڕ لە گەڵ سوپای داگیرکەری تورک شەهید بوون.
مەراسیمی پرسەو سەرەخۆشی بۆ محەمەد گوموش لە بەرمان یاسەڤی ناوچەی باغلاری ئامەد (رێزان) بەڕێوەچوو.
بە پێشەنگایەتی کۆمەڵەی هاوکاری، یەکێتی، یەکڕیزی و کولتووری (مەبیا-دەر)، بەربژێرەکانی دەم پارتی بۆ سەرۆکایەتی شارەوانی و ڕێکخراوە مەدەنییەکانی شار، بەشداری مەراسیمەکە بوون و سەرەخۆشی خۆیان ئاراستەی بنەماڵەی شەهید کرد.
ڕێوڕەسمەکە بە خولەکێک ڕێز بۆ یادی شەهیدان دەستی پێکرد و بۆ ماوەی دوو ڕۆژی دیکە بەردەوام دەبێت.
