کاتژمێر ٧:٠٠ی سەر لەبەیانی ئەمڕۆ دووشەممە، دەنگدانی گشتی پرۆسەی هەلبژاردنی ئەنجوومەنی پارێزگاکان لە کەرکوک و تەواوی عێراق دەستی پێکرد.

بەگوێرەی زانیارییەکانی ئۆفیسی کەرکوکی کۆمسێۆنی باڵای سەربەخۆی هەڵبژاردنەکانی عێراق، لە شاری کەرکوک یەک ملێۆن ١٥٣٠٠ کەس مافی دەنگدانی هەیە بەڵام ٨٦٨ هەزار و ٩٠١ کەس خاوەنی کارتی بایۆمەترییە و دەتوانێت دەنگ بدات، هەروەها بەگوێرەی دواین ئاماری کۆمسێۆن زیاتر لە ٧٧٪ی هاوڵاتیانی کەرکوک کارتەکانی دەنگدانیان وەرگرتۆتەوە و ئەمرۆ بەشداری پرۆسەکە دەکەن.

جێگای باسە، لە سەرتاسەری عێراق ١٥ ملیۆن و ١٠٨ هەزار و ١٣٥ کەس مافی دەنگدانیان هەیە و دەتوانن لە ٧١١٦ بنکەی دەنگدان و ٣٥ هەزار و ٥٥٣ وێستگە دەنگ بدەن.

هـ . ب