لە کەرکوک بەرخودان لە دژی سوپای عێراق پێینایە ٢٩هەمین رۆژەوە
تێکۆشانی گەڕەکی نەورۆزی کەرکوک لە دژی داگیرکەری سوپای عێراق پێینایە رۆژی ٢٩هەمینەوە.
سوپای عێراق چووەتە گەڕەکی نەورۆزی کەرکوکەوە و هەوڵ دەدات دانیشتوانی کوردی گەڕەکەکە لە ماڵەکانیان دەربکات و لە بری ئەوان عەرەب نیشتەجێ بکات. لەبەرامبەردا دانیشتوانی کوردی گەڕەکەکە ماوەی ٢٩ رۆژە بە چالاکی هەڵدانی خێمە لە دژی داگیرکەری سوپای عێراق خۆڕاگری دەکەن.
٧ ماڵی گەڕەکەکە لەلایەن سوپای عێراقەوە بە ئۆتۆمبێلی زرێپۆش گەمارۆدراون. سەربازەکان تائێستاش لەو ماڵانەی داگیریان کردوون نەچوونە دەرەوە. دانیشتوانی کوردی گەڕەکەکە لە دژی ئەو داگیرکەرییە خێمەیان هەڵداوە و خۆڕاگری دەکەن.
دانیشتوانی گەڕەکەکە دەڵێن کە دوای رژێمی بەعس، ئەوان لەو خانووانەدا نیشتەجێبوون و هیچ لایەنێکی ئەوە نایاسایی نییە.
گەڕەکی نەورۆز نزیکەی ٢٠٠ ماڵی تێدایە، کە زۆرینەیان کوردن. دانیشتوانی ئەو گەڕەکە بە هۆی بەرهەڵستیان بەرامبەر بە رژێمی بەعش ناچاربوون کە بەرەو شارەکانی وەک هەولێر و سلێمانی کۆج بکەن. دوای روخانی رژێمی بەعش سەرلەنوێ گەڕانەوە بۆ گەڕەکەکەاین و لەوێ نیشتەجێ بوون.
هـ . ب
