لە دوای ئەوەی لە ١٨ی کانوونی دووەمی ٢٠٢٤ لە شاری کەرکوک فریال سلێمان تیرۆرکرا، ئەمڕۆ لە شاری سلێمانی لە گەڕەکی بەختیاری لە بینای نوێنەرایەتی خۆبەڕێوەبەری ڕۆژئاوا و سوریا لە باشوری کوردستان-سلێمانی، نوێنەرایەتی کۆنگرەی ستار لە هەرێمی کوردستان بە دروشمی 'شەهیدان خاوەنی ڕاستەقینەی ئەم وڵاتەن' پرسەی بۆ شەهید فریال سلێمان دانا.

پرسەکە بە بەشداری زۆرێک لە ئەندامانی پارتە ئازادیخوازەکان و نوێنەرانی کۆمەڵەکان و ژنان و پیاوانی چالاکوان و ڕۆژنامەنووسان بەڕێوەچوو.

جێی ئاماژەیە کە لە ناو پرسەکەدا باس لە ئازایەتی و بەرخۆدانی فریال سلێمان و کەسایەتیەکانی دیکە کرا کە لەلایەن دەوڵەتی تورک و داردەستەکانی لە باشووری کوردستان تیرۆرکراون.

هـ . ب