لەگەڵ هێرشە داگیرکارییەکانی دەوڵەتی داگیرکەری تورک بۆ سەر باشووری کوردستان، لە هەرێمەکانی ژێر کۆنترۆڵی پەدەکەدا، دەوڵەتی تورک لەشکرکێشی و گواستنەوەیەکی گەورەی سەربازی ئەنجام دەدات.

بە گوێرەی زانیارییەکان، وەک لە دیمەنە بڵاوکراوەکاندا دەردەکەون دوێنێ ئێوارە بە دەیان ئۆتۆمبێلی زریپۆشی سەربازی سوپای داگیرکەری تورک لە گوندی سەرگەلێیەوە ڕەوانەی ئامێدی کراون.

ئەمەش لە کاتێکدایە ڕۆژانە دەوڵەتی داگیرکەری تورک سەدان سەرباز و زرێپۆش و ئۆتۆمبێلی سەربازیی ڕەوانەی خاکی باشووری کوردستان و عێراق دەکات، بەڵام بەرپرسانی بەغداد و هەولێر بێدەنگیان هەڵبژاردووە و چاوی خۆیان لە ئاستی داگیرکردنی خاکدا داخستووە.