نوێنەرایەتیەكانی بەریتانیا و كەنەدا لەهەرێمی كوردستان لەبارەی شەپۆلی دەستگیركردنی رۆژنامەنووسان و چالاكوانانی سیاسی دەنگیان بەرزكردەوە و رایانگەیاندوە؛ ئازادی بیروڕا و گردبوونەوە"خرڤەبوون" و ئازادی كاری راگەیاندن بەشكی گرنگن بۆ دیموكراسیەكی تەندرۆست.
جەیم هامیل كۆنسۆلی بەریتانیا لەهەرێمی كوردستان لەتویتێكدا نیگەرانی خۆی نیشانداوە لەبەرامبەر شەپۆلی رەشبگیری لەهەرێمی كوردستان و دەڵێت؛ زۆر نیگەرانن لەدەستگیركردنی رۆژنامەنووسان و چالاكوانانی سیاسی و پەرلەمانتارانی لەهەرێم و ئەوەشی ووتووە؛ ئازادی رادەربڕین و كاری میدیا كایەی گرنگن لەپرۆسەی دیموكراسیدا.
هەروەها كۆنسولخانەی كەنەدا لەهەرێم ئاماژەی بەوەكردوە؛ نیگەرانین دەربارەی دستگیركردنی ئەندام پەرلەمانتارانی ئۆپۆزسیۆن و چالاكوانانی سیاسی و رۆژنامەنووسان و دەڵێت:"ئازادی بیروڕا و گردبوونەوە و ئازادی راگەیاندن بەشێكی گرنگن بۆ دیموكراسیەكی تەندروست".
ف.ق
