لە گوندی نەنیاسی سەر بە ناوچەی لجێی ئامەد لە ٢٤ی ئایاردا سەربازانی تورک ئۆپراسیۆنێکیان ئەنجامدا و هەڵیانکوتایە سەر ماڵی محەمەد یڵدرم کە باوکی چوار منداڵ بوو و  ئەویان کوشت. مەراسیمی پرسەی محەمەد یڵدرم لە مزگەوتی ئۆداباشی بالی گەڕەکی باغجلارای رەزانی ئامەد بەڕێوەچوو. خەڵکی ئامەد بە شێوەی جەماوەری بەشدارییان لە پرسەکەی کرد.

سەردانەکە بە پێشەنگایەتی مەبیا-دەر سازکرا. بەڕێوەبەرانی دەم پارتی و دەبەپە و ژمارەیەکی زۆر لە نوێنەرانی رێکخراوەکان بەشدارییان لە پرسەکەدا کرد.

لە مەراسیمەکەدا هاوسەرۆکی مەبیا-دەر محەمەد ئەمین کلیچ کاردانەوەی بەرامبەر کوشتنی محەمەد یڵدرم نیشاندا و سەرەخۆشی لە بنەماڵەکەی و گەلی کورد کرد.

هـ . ب