شاندەکەى هەدەپە بۆ جەژنە پیرۆزە سەردانی بنەماڵەى عەبدوڵا ئۆجالان رێبەری گەلی کوردیان کرد. شاندەکەى هەدەپە سەردانی فاتمە ئۆجالان خوشکی ئۆجالان و محەمەد ئۆجالانی برایان کرد. جگە لە ئەبرو گیونەى پەرلەمانتاری هەدەپەی رحا عایشە سوروجو و پەرلەمانتاری دیلۆکی هەدەپە مەحمود تۆگرو و ژمارەیەک لە لایەنگران و خۆبەخشانی هەدەپە ئامادەی شاندەکە بوون.

محەمەد ئۆجالان لە کاتی سەردانەکەدا باسی لە پەیوەندییە تەلەفونیەکەی ٢٥ی ئادار کرد، کە ماوەى ٤ خولەک و نیو بەردەوامیی هەبوو و وتەکانی ئۆجالانی بە یاد هێنایەوە و وتی، "دەوڵەت هەڵە یاری دەکات، ئێوەش. ئەوە ناهەقەییە، راستیش نییە. من دەمەوێت پارێزەرەکانم بێن بۆ ئێرە و قسەم لەگەڵ بکەن".

لەبارەی ئەو شتانەوە، کە روویانداوە محەمەد ئۆجالان وتی، "ئەوانە نە ئەخلاقین، نە سیاسین و نە ویژدانیشە". و وتیشی، "دەوڵەت گەمە دەکات. دەبێت قبوڵ نەکرێت. بەرپرسانی زیندانەکان بە ئیرادە و ویستی خۆیان ناجوڵێنەوە".

ژ.ت