سیاسەتمەداری کورد موسا کورهان کۆچی دوایی کرد. کورهان (٧١ ساڵ) بۆ ماوەی دوو مانگ چارەسەری وەردەگرت، دوێنێ ئێوارە کۆچی دوایی کرد. ئەمڕۆ لە گۆڕستانی زەڤە بەخاک سپێردرا. بنەماڵەی کورهان و پەرلەمانتاری دەم پارتی سەباحەت ئەردۆگان ساریتاش و تەڤگەری ژنانی ئازاد (تەژەئا) و دایکانی ئاشتی و هاوسەرۆکانی شارەوانی سێرت سۆفیا ئالاگاش و محەمەد قەیسی، مەبیا_دەر و توای_دەر و هاوڵاتیان بەشداری مەراسیمەکە بوون. پرسەی کورهان لە ماڵی پرسەی مەیدان بەڕێوەچوو.

هاوسەرۆکی گشتی دەم پارتی تونجەر باقرخان دەربارەی کۆچی دوایی کورهان، گوتی: " زۆر دڵتەنگم بەهۆی کۆچی دوایی مام موسا، کە لە زۆر گۆڕەپاندا لەگەڵ پارتەکەمان خەباتی کردووە، یادگارییەکی گرنگی تێکۆشانی ئێمەیە. کاتێک لەگەڵ موراد کورهان خەبات دەکەین، هەبوونی ئەو هەردەم هێز و مۆراڵمان پێ دەدات. سەرەخۆشی لە پارتەکەمان و بنەماڵە و دۆستانی دەکەین. جێگەی بەهەشت بێت".