ئەندریا وۆڵف گەریلای ئەڵمانی پەکەکە لە ٢٣ی تشرینی یەکەمی ١٩٩٨ لە شاخێی وان لەگەڵ ٢٣ هاوڕێیدا لەلایەن سەربازە داگیرکەرەکانی تورکیاوە شەهید کرا. ئەمڕۆ ٢٤مین ساڵیادی شەهیدبوونی ئەندریا و هاوڕێکانیەتی. ئەندریا وۆڵف چەندین ڕوانگە لە عەبدوڵا ئۆجەلان ڕێبەری گەلی کوردەوە لەبارەی ئینتەرناسیۆنالیستی و شۆڕشی ئەوروپی و ئازادی کورد وەردەگرێت و بەڵێنی بەهێزکردنی هێڵی شۆڕشگێڕی دەدات و دەچێتە چیاکانی ئازادی کوردستان. وەک هەموو گەریلایەکی یەکینەکانی ئازادی ژنانی کوردستان (یاژک) لە دژی داگیرکردنی کوردستان دەجەنگێت. ئەندریا کە لە ساڵی ١٩٩٨ بە پێداگیریەکی گەورە تا ناوچەی ناوچەی بۆتان روویشت و شەهید بوو، ئەمڕۆ بووەتە نموونەیەکی پێشەنگی ڕۆشنگەری لە شۆڕشی نێودەوڵەتی ژناندا.

ئاشنابوون بە تێکۆشان

ئەندریا وۆڵف کە لە ساڵی ١٩٦٥ لە شاری میونشن لە باشووری ئەڵمانیا لەدایکبووە، لە بزووتنەوەکانی گەنجاندا لەگەڵ برا/خوشکەکەی دەستی بە تێکۆشان کردووە دژی سیستەمەکە. هەمیشە بەشداری چالاکی دژ بە کاپیتالیزم و فاشیزم و ڕەگەزپەرستی دەکات. ساڵی ١٩٨١ لەلایەن پۆلیسی ئەڵمانیاوە دەستگیر دەکرێت و چەند مانگێک لە زینداندا ماوەتەوە. کاتێک لە زیندان دێتە دەرەوە، ئەزموونی خۆی دەکاتە بنەمایەک بۆ خەباتێکی بەهێزتر.

ئەندریا وۆڵف کە لە بزووتنەوەی فێمینیستدا جێی خۆی گرت، لە زۆر چالاکیی فەرمی و نافەرمیدا بەشداری کرد. ئەندریا کە جێگەی خۆی لە بزووتنەوەی "ئۆتۆنیۆم" دژی دەوڵەتی سەرمایەداری گرت، لەو کاتەدا سەرنجی گەنجانی ئەڵمانیای بۆ لای خۆی ڕاکێشا، لە هەشتاکانی سەدەی ڕابردوودا دەستی بە خەباتی ئیکۆلۆژی و دژە کاپیتالیزمی کرد. بەشداری بەرخۆدانی گەلانی واکەرسدۆرف دەکات دژی پڕۆژەی گەورەی هێزی ئەتۆمی. چالاکانە بەشداری ناڕەزایەتیەکان دەکات بۆ وەستاندنی دروستکردنی فڕۆکەخانەی گەورەیStartbahn West.  ئەندریا کە لەگەڵ هاوڕێکانی لە خەباتدا لە فرانکفۆرت گروپی سەربەخۆی ژنان پێکدەهێنن و ماڵی دەوڵەمەندەکان دەکەنە ناوەندی فێمینیستی شۆڕشگێڕی.

گروپێکی گەنجانی بە ناوی "کین فرید" دامەزراند

ئەندریا کە گرنگییەکی زۆر بە چەمکی پاراستن داوە ڕۆڵێکی سەرەکی لە گەشەکردنی هاوڕێکانی لە بواری هونەری پاراستندا دەگێڕێت. له شارەکانی ئەڵمانیا ڕاهێنانی کاراته پێشکەش به هەڤاڵانی دەکات که دەهاتنە چیاکانی کوردستان. كاتێك حكومه‌تی ئه‌ڵمانیا بینی له‌ناو رێكخراوه‌ شۆڕشگێڕه‌كاندا خه‌بات ده‌كات، سێ جار سیخوڕه‌كانی له‌ ده‌وری ئه‌ندریا ئەرکدار کرد. ئه‌مه‌ش ئامرازێكە بۆ ناسینی زیاتر له‌ نه‌ریتی ده‌وڵه‌ت و جیاكردنه‌وه‌ی هێڵی شۆڕشگێڕی و هێڵی خیانه‌ت لە یەکدی.

ئەندریا کە لە ساڵی ١٩٨٧دا جارێکی دیکە بەهۆی ئیخباری سیخوڕەکانی دەوڵەتەوە دەستگیرکرا، ماوەی ساڵێکی دیکەش لە زیندان دەمێنێتەوە. لە زینداندا چاوی بە میلیتانەکانی (فراكسیۆنی سوپای سوور) دەكەوێت، كە یەكێكە لە گەریلاکانی ناو شار لە ئەڵمانیا و گفتوگۆی ئایدیۆلۆژی و سیاسییان لەگەڵ دەكات. لە هەموو بزووتنەوە خەباتگێڕەکاندا کە بەشداری تێدا کردووە بە پاکی و ئیرادە و ڕادیکالیزمەوە ناسراوە. دوای ڕووخانی سۆسیالیزمی تاقیکراوە، ڕێکخراوە چەپەکان کەوتنە قەیرانێکی جددیەوە، بەڵام ئەندریا ناوەستێت و پێشەنگایەتی دەکات. لە شاری فرانکفۆرت گروپی لاوانی "کین فرید"ی دامەزراند و شوناسێکی نوێی بە شۆڕشی دژە کاپیتالیزمی بەخشی. بەم شێوەیە لە شۆڕشی ئەڵمانیادا ڕێگایەکی نوێی دەست پێکرد. ئەندریا لە جیاتی سیستمی دەوڵەتی کاپیتالیستی ئەڵمانیا بەدوای چۆنیەتی بنیاتنانی کۆمەڵگایەکی ئازاددا دەگەڕێت. هەروەها ئەم گرووپە پاڵپشتی پەنابەران دەکات لەسەر چۆنیەتی پاراستنی خۆیان لە هێرشی فاشیستەکان.

ناسینی پەکەکە و هاتن بۆ کوردستان

بەم شێوەیە هەڤاڵانی پەکەکە دەناسێت. ئەندریا وۆڵف کە ڕەخنەی لە شۆڕشگێڕانی ئەڵمانیا گرت، پێویستیی بە ڕێکخستنێکی نوێ دەبینێت. لەم چوارچێوەیەدا ئەندریا لە ساڵی ١٩٩٦دا بۆ خەباتێکی بەهێزی نێودەوڵەتی رووی لە کوردستان کرد.

ئەندریا وۆڵف لە یاداشتنامەکەیدا باسی رۆیشتنی خۆی بۆ کوردستان دەکات و دەڵێت: "تێگەیشتنی من لە ئینتەرناسیۆنالیزم لە قاڵبێکی نوێیدا خۆی دەبینێتەوە. تا ئێستا ڕاستەوخۆ و هەنگاو بە هەنگاو وەرمگرتووە. سەرەتا شوێنێک بۆ بزووتنەوەکە، دواتر لەگەڵ کەسانی تردا خەبات کردن. بەڵام ئەگەر ئێمە نێودەوڵەتی بین، دەتوانین لە یەک کاتدا هەردووکمان بین؛ پێویستە ببین و بیکەین. هەروەها دەتوانین لە شوێنەکانی تری جیهان بەشداری خەباتی فێربوون بکەین. چونکە ئێمە بە سنووری نەتەوەیی سنووردار نین. تا ئەو کاتەی سەیری دەرەوە نەکەین، بە تایبەت وەک ئەو کەسانەی لە شارە گەورەکان دەژین، ناتوانین بە تەواوی لە دۆخەکەمان تێبگەین”.

دەبێتە رۆناهی

ئەندریا وۆڵف ناوی رۆناهی (نیلگون یڵدرم) لەخۆی دەنێت کە لە ساڵی ١٩٩٤دا لە ئەڵمانیا لەدژی قەدەغەی سەر پەکەکە ئاگری لە جەستەی خۆی بەردا. بەم شێوەیە دەبێتە رۆناهی و بێریڤان

ئەندریا کە لە خولی مەشق و ڕاهێنان لە ئەکادیمیای شەهید مەعسوم قۆرقماز لە دیمەشق بەشداری کردووە، بە قووڵی کاریگەری ئەو ڕاهێنانەی لەسەرە. بە تایبەت هاوڕێیەتی عەبدوڵا ئۆجالان ڕێبەری گەلی کورد و هەڵوێستی بەرامبەر بە ژیان کاریگەری زۆری لەسەر دانا. لە یاداشتەکانیدا ئاماژە بەوە دەکات کە لە ژیانیدا کەسی وەک عەبدوڵا ئۆجالان نەبینیوە و دەنووسێت: "ڕێبەر ئاپۆ وەک پیاوێک بە کاری ڕاستگۆیانە هەڵدەستێت و بێ کۆتایی خەبات بۆ ئازادی ژنان دەکات ". زۆربەی پیاوان بۆ ئەوەی بناسرێنەوە باشتر لە ژنان خۆیان نیشان دەدەن. من تەنیا پیاوێک دەبینم کە لە ئازادی ژن نزیک دەبێتەوە؛ ئەویش عەبدوڵا ئۆجەلانە. ئەو تەنها ئەمە دەرنابڕێت، بەڵکو لە پراکتیک و ڕێنماییەکانیدا نیشانی دەدات. دەڵێت پیاو کاپیتالیست و ژنانیش سۆسیالیستن.

ئێدی لە چیاکانی کوردستان گەریلایەکە

شەهید رۆناهی کە دوای پەروەردە چووە چیاکانی ئازادی کوردستان ، لە ریزەکانی گەریلادا پراکتیکێکی چالاک بەڕێوەدەبات. رۆناهی كه‌ هه‌میشه‌ به‌ وردبینی و دیالۆگی نێو گه‌ریلا ناسراوه‌، ده‌یه‌وێت به‌ قووڵی له‌ خه‌باتی په‌كه‌كه‌ و ئایدۆلۆژیای رێبەرتی تێبگات. بیرۆکە و بیرکردنەوەکانی دەگاتە دەستی چەپەکانی ئەڵمانیا. لە وتارەکانیدا داوای پەیوەستبوون بە ریزەکانی گەریلا دەکات و داوای تێگەیشتن لە فەلسەفە و ئەزموونی خەباتی پەکەکە لە دژی ئۆریانتالیزم دەکات.

شەهید ڕۆناهی لە چیاکانی کوردستان وانەی مەلەوانی و کاراتێ بە هەڤاڵانی دەوتەوە. ڕۆناهی کە بەشداری شەڕی پەدەکەدا کردبوو، لە ساڵی ١٩٩٧دا بە پێداگرییەکی زۆرەوە چووەتە ناوچەی بۆتان. هەرچەندە دەیزانی لە بۆتان شەهید دەبێت، بەڵام بە هۆشیارییەکی گەورەی نێونەتەوەییەوە پەیوەندی بەشداری لە ژیانی گەریلادا کرد. هەمیشە دەیگوت "گرنگ نییە لە کوێ دەمرین، گرنگ ئەوەیە بۆ چی خەبات دەکەین ، من ئامێرەکانی کوشتنی ئیمپریالیستەکانم بینی، بۆچی دەوڵەتی تورک هێرشەکانی بۆ سەر کوردستان ڕاناگرێت؟ من زۆر تووڕە بووم لەم بارەیەوە". " دەمزانی بۆ چییە، بەڵام قووڵتر بوومەوە" و بەم شێوەیەبدەیەوێت زیاتر تێبگات و گفتوگۆی قووڵی لەگەڵ هەڤاڵانی دەکرد.

بە تێکۆشانەکەی تێکۆشانی شۆڕشگێری رۆناک کردەوە

شەهید رۆناهی لە کەسایەتی و ژیانی تێکۆشانیدا بۆ ژنانی ئینتەرناسیۆنالیست بووە رۆناکی تێکۆشانی شۆڕشگێری. رۆناهی کە بۆ شۆڕشی ئەڵمانیا خاڵی بنەڕەتی بوو، ئەمڕۆ بۆ دەیان شۆڕشگێری ژنی نێونەتەوەیی بووەتە نمونە. ئەمڕ بۆ دەیان ژنی شۆڕشگێر لە هەموو جیهان بە رێکخستنی بەهێزی خۆیان لەدژی هێزە فاشێستە دەسەڵاتدارەکان، لەسەر رێچکەی شەهید رۆناهی (ئەندریا وۆڵف) کە یەکێک لە نوێنەرایەتی تێکۆشانی نێونەتەوەییە تێدەکۆشن.

ف.ق