ئامەدسپۆر لە کۆتای هەفتەدا رووبەڕووی یانەی بورساسپۆر بووەوە، بەڵام هێرشی نەژادپەرستانەی کرایەسەر.

یانەی ئامەدسپۆر گەڕایەوە بۆ ئامەد و لە فرۆکەخانە لە لایەن هەزاران کەسەوە پێشوازی لێکرا.

هاوسەرۆکی پارتی هەرێمە دیموکراتیەکان (دەبەپە) لە ئامەد خەیرەدین ئاڵتون، هاوسەرۆکانی پارتی دیموکراتیکی گەلان (هەدەپە) لە ئامەد) زیاد جەیلان و گوڵستان ئاتاسۆی، پەرلەمانتارانی هەدەپەی ئامەد رەمزیە تۆسون، دێرسیم داغ و نوێنەرانی رێکخراوە مەدەنییەکان بەشدارییانلە مەراسیمی پێشوازیدا کرد.

جەماوەر لەبەر دەهۆڵ و زوڕنادا هەڵپێڕکێیان کرد و بەردەوام بە جۆش و خرۆشەوە گۆرانی "دیرەن ها دیاربەکر"یان دەچڕی و دروشمی "ئامەد بەئێوەوە سەربەزە"یان دەوتەوە.

لەو نێوەدا کۆمەڵەی هاندەرانی ئامەد سپۆر راگەیەندراوێکی بڵاوکردەوە و ئەوەی خستەڕوو کە هرگیز سازش ناکەن.

هـ . ب