فه‌رمانده‌یی یه‌به‌ششه رایگه‌یاند، كه له هێرشه‌كه‌ی دوێنێی ده‌وڵه‌تی توركدا دوو شه‌ڕڤانیان برینداربوون و ئه‌وه‌شی خسته‌ڕوو، كه ئه‌وان هێزی پاراستنی گه‌لی خۆیانن، هه‌ر بۆیه تا دواسات له دژی داگیركه‌ری خۆڕاگری ده‌كه‌ن و تێكۆشان گه‌وره بكه‌ن.
فه‌رمانده‌یی یه‌كینه‌كانی به‌رخودانی شه‌نگال (یه‌به‌شه) له‌باره‌ی هێرشی ئاسمانی دوێنێی سوپای توركی داگیركه‌ر له‌شه‌نگال راگه‌یه‌نراوێكی بڵاوكرده‌وه.
له راگه‌یه‌نراوه‌كه‌دا هاتووه، "ده‌وڵه‌تی توركی داگیركه‌ر و قڕكه‌ر هه‌فته‌یه‌ك بوو به‌سه‌ر گۆڕه‌پانی ئێمه‌وه جموجۆڵی فڕۆكه هێرشبه‌ر و بێ فڕۆكه‌وانه‌كانی زیاد كردبوو. له ئه‌نجامی ئه‌و جموجۆڵه‌دا رۆژی ٢٩ی ئاب ئۆتۆمبێلێكی هێزه‌كانمان سه‌ر به فه‌وجی ٨٠ كرایه ئامانج. له ئه‌نجامی هێرشه‌كه‌دا دوو هه‌ڤاڵمان كه له سه‌ر ئه‌ركی خۆیان بوون برینداربوون".
'ده‌وڵه‌تی تورك باش ده‌زانێت كه كۆتایی هاتووه هه‌ر بۆیه هێرش ده‌كاته سه‌ر گه‌لان'
راگه‌یه‌نراوه‌كه به‌م جۆره به‌رده‌وامه:
"ده‌وڵه‌تی توركی داگیركه‌ر و پاكتاوكه‌ر به ساڵانه ده‌یه‌وێت ته‌واوی گه‌لانی هه‌رێمه‌كه و رۆژهه‌ڵاتی ناوه‌ڕاست پاكتاو بكات و خۆی به‌سه‌ر ته‌واوی هه‌رێمه‌كه‌دا باڵاده‌ست بكات. له‌سه‌ر ئه‌و بنه‌مایه بۆسه‌ر گه‌لان هێرشی نا ئه‌خلاقی و نامرۆڤانه ئه‌نجام ده‌دات. له منداڵی ساواوه تا مرۆڤی ٧٠ ساڵ سه‌رجه‌میان ده‌كاته ئامانج و هێرشیان ده‌كاته‌سه‌ر. كۆمه‌ڵكوژی و فه‌رمان ئه‌نجام ده‌دات، ده‌كوژێت و تاڵان ده‌كات. ئه‌و هێرشانه‌شی به به‌رچاوی هه‌موو جیهانه‌وه ده‌كات. به‌ڵام به‌داخه‌وه به‌رامبه‌ر ئه‌و هێرشانه‌ی ده‌وڵه‌تی توركی داگیركه‌ر هه‌موو كه‌سێك كه‌ڕ و لاڵ بووه. ئه‌مه‌ش پشتیوانی ئه‌و ده‌وڵه‌تانه بۆ ده‌وڵه‌تی قڕكه‌ر به‌رجسته ده‌كاته‌وه. هه‌بوونی خۆی له‌سه‌ر كوشتنی گه‌لان ده‌بینێت و ده‌یه‌وێت له‌سه‌ر ئه‌وه ته‌مه‌نی خۆی به‌رده‌وام بكات. لێره‌دا ده‌وڵه‌تی توركی داگیركه‌ر و قڕكه‌ریش باش ده‌زانێت ئیتر كۆتایی پێهاتووه هه‌ر بۆه‌ی به‌م جۆره هێرش ده‌كاته سه‌ر گه‌لان.
'ده‌وڵه‌تی تورك ده‌یه‌وێت تۆڵه‌ی داعش له شه‌نگال بكاته‌وه'
به‌تایبه‌تی به‌رامبه‌ر كۆمه‌ڵگای ئێزدیمان و گه‌لانی هه‌رێمه‌كه بێ پسانه‌وه له پێگه‌ی هێرشبه‌ریدایه و به شێوازی جیاجیا هێرش ده‌كاته سه‌ر ئێمه. ئه‌و هێرشانه‌ی ئه‌وان نه‌ته‌نیا له‌مڕۆماندا ئه‌نجام نادرێن. به تایبه‌تی دوای ئه‌وه‌ی داعش له شه‌نگال شكستدرا به‌دواوه به شێوه‌یه‌كی به‌رچاو ده‌یه‌وێت تۆڵه‌ی داعش له گه‌له‌كه‌مان بكاته‌وه. به هه‌ڵوێستی خۆی له رۆژی فه‌رمانه‌كه‌وه تا رۆژی ئه‌مڕۆ به شێوه‌ی ترسنۆكانه، بێ ئه‌خلاقانه و دژی مرۆڤانه گه‌له‌كه‌مان و پێشه‌نگانی ئێمه كه له به‌رامبه‌ر داعش سه‌ركه‌وتنیان به‌ده‌ستهێناوه ده‌كاته ئامانج و شه‌هیدیان ده‌كات. به تایبه‌تی له مانگی ئابدا ئه‌و هێرشانه‌ی له به‌رامبه‌ر كۆمه‌ڵگای ئێزدیمان ئه‌نجام ده‌دات. به‌و هێرشانه ده‌یه‌وێت ترساندن، بێ ئیراده مانه‌وه، گه‌رشاندنه‌وه‌ی كۆمه‌ڵگاكه‌مان بۆ دۆخی كۆیله‌یی و بێ ناسنامه هێشتنه‌وه بخاته پێشه‌وه. له هێرشه‌كانی بۆ سه‌ر مام زه‌كی، تا سه‌عید حه‌سه‌ن، نه‌خۆشخانه‌ی سكینێ و به‌حراوا ئه‌نجامی ئه‌وه‌یه.
به تایبه‌تی ئه‌م چه‌ند ساڵه‌ی دوایی له باكوری كوردستانه‌وه بگره تا رۆژهه‌ڵات، باشور، عێراق، رۆژئاوا، مه‌خمور و شه‌نگال بێ پسانه‌وه و به دڕندانه هێرش ده‌كات. ئه‌و هێرشانه‌ی ئه‌وانیش بۆخۆیان وه‌ك سه‌ركه‌وتن نیشان ده‌ده‌ن. سوێن و په‌یمان ده‌ده‌ن كه ئه‌و هێرشانه درێژه پێبده‌ن. چ رۆژێكی ئه‌وان كه گوایه رۆژی سه‌ركه‌وتنی ئه‌وانه له ساڵیادیدا هێرشی ناپاكانه ده‌كه‌ن. له‌وه‌ش ده‌رده‌كه‌وێت كۆماری تورك هه‌موو سه‌ركه‌وتنه‌كانی له‌سه‌ر خوێنی گه‌لان دروست كردووه.
'ده‌بێت گه‌له‌كه‌مان به داگیركاری و قڕكاری بڵێت به‌سه'
له‌به‌ر ئه‌وه‌ی پلانی چه‌په‌ڵی خستووه‌ته به‌رده‌می خۆی به شێوه‌یه‌ك تا له‌ده‌ستی دێت هه‌موو ده‌ستكه‌وته‌كانی بزوتنه‌وه‌ی ئازادی ده‌كاته ئامانج. بۆ ئه‌وه‌ش پێویسته سه‌ره‌تا كۆمه‌ڵگاكه‌مان و ته‌واوی گه‌لانی هه‌رێمه‌كه چالاك بن و هه‌ڵوێستی خۆیان به توڕه‌یه‌كی زۆره‌وه بخه‌نه‌ڕوو. ده‌بێت گه‌له‌كه‌مان به داگیركاری و قڕكاری بڵێت به‌سه‌ر. ده‌بێت ئیتر رێگه به داگیركاری نه‌درێت كه خۆی له‌سه‌ر خوێنی رۆڵه‌كانی ئه‌م گه‌له دڵخۆش بكات. ده‌بێت ئیتر رێگه به خیانه‌ت و خۆفرۆشان نه‌درێت و لێپێچینه‌وه‌ی گه‌وره‌یان له‌گه‌ڵدا بكرێت.
'ئێمه به‌رگریكاری گه‌لی خۆمانین، ئاماده‌ین له‌و پێناوه‌دا هه‌موو باجێك بده‌ین'
ئێمه به‌رگریكارانی گه‌لی خۆمانین و بۆ پاراستنی به‌ها و پیرۆزییه‌كانی كۆمه‌ڵگاكه‌مان چ قوربانییه‌ك پێویست بێت با ببێت، بۆ پێشكه‌شكردنی ئه‌و قوربانیه ئاماده‌ین. ئێمه له رۆژی فه‌رمانیشدا ئه‌وه‌مان نیشاندا و ئێمه له‌مڕۆ به‌دواوه‌ش نیشانی بده‌ین. له‌به‌ر ئه‌وه‌ی فه‌رمان و كۆمه‌ڵكوژی له باكوری كوردستان تا رۆژئاوا، زاخۆ، مه‌خمور، كه‌ركوك و شه‌نگال له یه‌كتر جیا نین. هێرشه‌كه بۆ سه‌ر ته‌واوی گه‌لانه، له‌سه‌ر ته‌واوی خاكی عێراقه. بۆ ئه‌وه‌ی ده‌بێت له‌سه‌ره‌تادا گه‌لانی هه‌رێمه‌كه به هاوپه‌یمانیه‌كی گه‌وره‌وه له به‌رامبه‌ر ئه‌م دوژمنه خوێنمژه بوه‌ستنه‌وه و رێگه نه‌درێت كه هیچ كه‌سێك ئه‌و خاكه پیرۆزه داگیربكات.
'تا دوا سات ئێمه له به‌رامبه‌ر داگیركاری خۆڕاگری ده‌كه‌ین و تێكۆشان به‌رزده‌كه‌ینه‌وه'
ئێمه له‌سه‌ره‌تادا بۆ هه‌ردوو هاوڕێ برینداره‌كانمان و بۆ بنه‌ماڵه‌ی ئه‌وان داوای چاكبوونه‌وه ده‌كه‌ین. ئێمه به‌ڵێنی خۆمان بۆ پاراستن و سه‌ندنه‌وه‌ی تۆڵه له كه‌سایه‌تی ته‌واوی شه‌هیدانی خۆمان و شه‌هیدانی كۆمه‌ڵكوژی به گه‌ورترین شێوه دووباره ده‌كه‌ینه‌وه. ئێمه تا دوا ساتی ژیانمان له به‌رامبه‌ر هه‌موو جۆره هێرشێكی داگیركه‌ری خۆڕاگری ده‌كه‌ین و ئێمه تێكۆشانی خۆمان گه‌وره‌تر ده‌كه‌ین. له‌و پێناوه‌دا چی ده‌بێت با ببێت بۆ تێكۆشان ئێمه له دوێنی زیاتر ئاماده و به‌هێزین".
هـ . ب
