ناوەندی راگەیاندنی یەرەکە لەبارەی هێرشی ئاسمانی دوێنێ لە هەرێمی ئاسۆس راگەیەنراوێکی بڵاوکردەوە و ئاشکرای کرد کە لە ئەنجامی هێرشەکەدا ٢ هەڤاڵیان شەهید بوون. یەرەکە دەشڵێت، وڵامی پێویستە بە دەوڵەتی داگیرکەری تورک دەدەن.
ناوەندی راگەیاندنی یەکینەیکانی رۆژهەڵاتی کوردستان لەبارەی ئەنجامی هێرشی فڕۆکە بێفڕۆکەوانەکانی دەوڵەتی داگیرکەری تورکدا کە دوێنێ لە هەرێمی ئاسۆس ئەنجامیداوە راگەیەنراوێکی بڵاوکردەوە.
راگەیەنراوی یەرەکە بەم شێوەیەیە:
"کە ٢٢ی یئابی ٢٠٢٢ فڕۆکە بێفڕۆکەوانەکانی دەوڵەتی داگیرکەری تورک لە هەرێمی ئاسوس یەکینەیەکی ئێمەیان کردە ئامانج کە لەسەر ئەرکەکانیان بوو. لە ئەنجامی هێرشەکەدا ٢ هەڤاڵمان شەهید بوون.
وەک دەزانرێت دەوڵەتی داگیرکەری تورک لە بەرانبەر گەلی کورد شەڕێکی گشتی راگەیاندووە. رۆژانە لە چوار پارچەی کوردستان لە بەرانبەر گەلی کورد و هێزە سەربازیەکانی هێرشی نامەردانە ئەنجام دەدات. لە مانگی ئابدا بە دەیان جار فڕۆکەی بێفڕۆکەوان لەسەر ناوچەکانی ژێر کونتڕۆڵی هیزەکانمان سووڕانەوە. لە ئەنجامی پیلانی داگیرکەری تورکدا دوایین جار لە ٢٢ی ئابدا ٢ هەڤاڵی قاڕەمانمان شەهید بوون. لە ماوەیەکی نزیکدا ناسنامەی هەڤاڵانمان بۆ رای گشتی رادەگەیەنین.
تۆڵە هەڤاڵانمان دەکەینەوە، لە کاتێکی گونجاودا وڵامی پێویستی دەوڵەتی داگیرکەری تورک دەدەینەوە."
ف.ق
