حەسەن ئیپەک کە پاش ٣٠ ساڵ، دوێنێ لە زیندانی تیپی T ی ژمارە ١ ی باندیرمە لە بالیکەسیر ئازادکرا، لە ئێلح بەشێوەیەکی جەماوەری پێشوازی لێ کرا.

پەرلەمانتاری پارتی یەکسانی و دیموکراسیی گەلان (هەدەپ)، زەینەب ئۆدونجو، تەڤگەری ژنانی ئازاد (تەژەئا)، مەجلیسی دایکانی ئاشتی، ڕێکخراوەکانی پارتی دیموکراتیکی گەلان (هەدەپە) و هەدەپ و پارتی هەرێمە دیموکراتیکەکان (دەبەپە) لە پارێزگای ئێلح، لەگەڵ جەماوەرێکی فراوان چوونە پێشوازی. لەبەردەم ماڵەکەی خۆیدا بە گوڵ و هەلهەلە و یاری ئاگرین پێشوازیان لە حەسەن ئیپەک کرد.

ئیپەک گوتی: "سوپاستان دەکەم بۆ ئەم پێشوازییە گەرمە. سڵاوی هەڤاڵانی زیندان بە هەمووتان دەگەیەنم. دڵ و مێشکمان لای هەڤاڵە بەرخۆدەرەکانی ئەوێیە. دووبارە سوپاسی ئامادەبوونتان دەکەم".