ژنە پەرلەمانتارانی هەدەپە بەبۆنەی ١٠مین ساڵیادی ئیمزاکردنی پەیمانی ئەستەنبوڵ، لە دەریێ چیێ شورای ئامەد، پانکارتێکیان هەڵواسی کە ناوی ژنە کوژراوەکانی لەسەر نوسراوە. دواتر لە سەر بورجەکە چوونە خوارەوە و لەبەردەم شورای ئامەد راگەیەنراوێکیان خوێندەوە. ئایشە ئاجار باشاران وتەبێژی ژنانی هەدەپە، مەراڵ دانش بەشتاش جێگری سەرۆکی فراکسیۆنی هەدەپە و سەمرا گوزەل، دێرسم داغ، رەمزیە توسون و نوران ئیمیر پەرلەمانتارانی هەدەپە بەشداریان لە کۆنفڕانسە رۆژنامەنووسیەکەدا کرد.

ئاجار باشاران قسەی کرد و رایگەیاند، ژنان قسەی کۆتاییان نەوتووە و پەیمان لە پراتیکدایە و وتی، "ئێمە دەست لە پەیمانی ئەستەنبوڵ هەڵناگرین. ئەم پرسە لەبیرناکرێت. پەیمانی ئەستەنبوڵ دەپارێزین. ئێمە ژیانی خۆمان دەپارێزین. ئێمە دوارۆژی خۆمان دەپارێزین. ئەمڕۆ چالاکیەکانمان لە ئامەد و ئەستەنبوڵ هەیە. سەرۆکی ئاکەپە ئەردۆغان ناتوانێت لەسەر ناوی ژنان قسە بکات و بریار بدات. ئێمەی ژن خۆمان بڕیارەکانمان دەدەین. تا ئەوەی ژنان بڕیارێک نەدەن، پرسەکە لە رۆژەڤدا دەبێت. هیچ کاتێک دەست لە پەیمانەکە و هەڵوێستەکانمان هەڵناگرین."

ف.ق