ته‌رمی گه‌ریلای هه‌په‌گه یاقووب ده‌نیز كه له سنووری ناوچه‌ی پیله‌مووری دێرسم له ئه‌نجامی بۆردومانی سوپای توركیای داگیركه‌ر شه‌هید بووبوو، دوای ٥ مانگ ڕاده‌ستی خانه‌واده‌كه‌ی ده‌كرێته‌وه.
گه‌ریلای هێزه‌كانی پاراستنی گه‌ل - هه‌په‌گه یاقووب ده‌نیز (وه‌ڵات ڕێدوور) كه له ٥ی نیسانی ٢٠١٨ له‌گه‌ڵ ٥ هه‌ڤاڵی خۆی له سنووری ناوچه‌ی پیله‌مووری دێرسم له ئه‌نجامی بۆمبارانی سوپای توركیای داگیركه‌ر شه‌هید بووبوو، دوای ٥ مانگ ته‌رمه‌كه‌ی ده‌ستنیشان كرا.
ته‌رمی ئه‌و گه‌ریلایه‌ی هه‌په‌گه سبه‌ینێ كاتژمێر ١٥ له گۆڕستانی بێكه‌سه‌كانی شاری مه‌ڵه‌تیی باكووری كوردستان وه‌رده‌گیرێته‌وه و له ناوچه‌ی یه‌نیشه‌هر-ی ئامه‌د به مه‌ڕاسیمێك به‌خاك ده‌سپێردرێت.
s.m
