فڕۆکەیەکی بێفڕۆکەوانی چاودێریی (ÎHA)ی سوپای تورک لە گوندی گوهەرزی سەر بە ناوچەى ئامێدی لە باشووری کوردستان کەوتە خوارەوە. فڕۆکە جەنگییەکانی دەوڵەتى تورک ناوچەى ئامێدییان بۆردومانکرد.
هێرشی داگیرکەریی دەوڵەتى تورکی داگیرکەر بۆ سەر باشووری کوردستان بەردەوامیی هەیە.
ئاژانسی هەواڵی رۆژی نیوز بڵاویکردەوە، فڕۆکەیەکی بێفڕۆکەوانی چاودێریی دەوڵەتى تورک (ÎHA) لە نزیک گوندی گوهەرز لە ناوچەى ئامێدی لە پارێزگای دهۆکی باشووری کوردستان کەوتووەتە خوارەوە.
هاوکات فڕۆکە جەنگییەکانی دەوڵەتى تورکی داگیرکەر دەورووبەری شارۆچکەى چەمانکێی سەر بە قەزای ئامێدی بۆردومانکرد و بەهۆی ئەو بۆردومانەوە ئاگر ناوچەکە کەوتووەتەوە.
ژ.ت
