لە شاری سلێمانی کەمپینی لە (کوردستانەوە بۆ لوڕستان)، کە ماوەی هەفتە بوو بۆ کۆکردنەوەی هاوکاری بو لێقەوماوانی لافاوەکەی پارێزگای لوڕستانی ئێران ڕاگەیەندرا بوو کۆتایی پێهات.
لە کەمپینەکەدا، کە لەلایەن ژمارەیەک چالاکوان و ڕێکخراوە مەدەنیەکانەوە پێکهێنرا بوو و لە هۆڵی کورتەباڵاکانەوە سەرپەرشتی دەکرا، بڕێک هاوکاری ماددی و شتومەک و پێداویستی کۆکراوەتەوە. 
ڕێکخەرانی کەمپینەکە ڕایانگەیاندووە: کەمپینەکەیان لە لایەن خەڵکی سلێمانییەوە بە باشی و گەرمی پێشوازی لێکراوە و ئاشکریان کردوە، لە ڕۆژانی داهاتوودا پاش ئەوەی بڕی هاوکارییەکە بۆ ڕای گشتیی ئاشکرا دەکرێت، هاوکارییەکە ڕەوانەی لێقەوماوانی لوڕستان دەکەن.

هـ.هـ