هەپەگە: گەریلاکێ هەپەگەی یەژەئاستاری چالاکیێشان دژ بە سپاو تورکیای ئەنجامێ دێنێۋە و جە ئاکامشانە ۲٦ سەربازێ کوشیێنێ و گورزی قورس جە ۱ هەلیکۆپتەری کوبرای دریان و ۲ زرێپۆشێ سەربازیێ دلێنەبریێنێ.
بە پانتایی کوردستانی گەریلاکێ هێزەکێ پارێزنای گەلی (هەپەگە-HPG) و ژەنە گەریلاکێ یەکینەکێ ژەنێ ئازادێ (یەژەئاستار-YJASTAR)ی، چالاکیێ دژ بە هێزە ئەرەگێرەکێ تورکیای ئەنجامێ مڎانە و ڕۆچانە گورزێ فرە قورسێشان ۋنە مڎانە.
پەیۋەست پانەیە ئارۆ میانگەو یاۋنەری و چاپەمەنی هێزەکێ پارێزنای گەلی (هەپەگە-HPG) ۋەڵاکریای لەشکرش دان و جە میانشەنە ئاشکراش کەردەن:
"چالاكیی سابوتاژ جە بەرزایی شه‌كیف-ی"
جە ٢٤ی حوزه‌یرانی سەعات ۱۰:۰۰و سەرسەبای، جە بەرزایی شه‌كیف-ی سەر خواكوركی هێزەکێمان دژ بە یه‌كینه‌کێ سپا ئەرەگێرەکەو تورکیای چالاکیی ساپۆتاژشان ئەنجام دان. جە چالاکییەکەنە ژمارێۋی فرێ سەربازێ کوشیێنێ، بەڵام جەی بارەۋە ئامار و وردەکار دروست بەدەست نەۋزیان.
"٢ ئۆتۆمبێلێ زرێپۆشێ دلێنەبریێنێ و ٢٣ سه‌ربازێ کوشیێنێ"
هەمان ڕۆچ، بەڵام جە دەڤەرو خەزالکێی کە مەگنۆنە میانو جۆلەمێرگی و چەلێی، گەریلاکێمان یەکینەکێ دوژمنیشان ۋستێنێ چێرو چەمداری وردی و دماتەر جە سەعات ۲۰:۳۰ دەیەقێ شەۋێنە جە دووێ قۆڵێۋە کەردێنێشان ئامانج و جە ئاکامەنە ۱ زرێپۆش جە جۆرو کرپی بە تەمامی دلێنەبریان. هاموەخت زرێپۆشێۋی کوبرا کە بە هانا هێزەکێ دوژمنی ئامابێ دریانش ۋنە بە تەمامی دلێنەبریان. بەگردی جە چالاکییەکەنە ۲۳ سەربازێ کوشینێ و ژمارێۋی فرێ بریندارێ بیێنێ. دمای چالاکییەکەی دوژمن بە پەشتیۋانی هێزی فرەی پیادەی و باڵەپڕێ جەنگیێ، کوشتێ و بریندارەکێش بە هەلیکۆپتەرێ جە ناوچەکەنە دوورێ ۋستێنێۋە.
"جە گه‌ڤه‌ر ۲ سەربازێ کوشیێنێ"
جە ٢٥و حوزه‌یرانی سەعات ٨:٣٠ دەیەقێ سەرسەبای، جە بەرزایی عه‌لی شێر-ی سه‌ر به ناوچه‌و گه‌ڤه‌ری جە پارێزگه‌و جۆله‌مێرگی، هێزەکێمان سه‌نگه‌رێ و په‌ناگه‌کێ دوژمنیشان کەردێنێ ئامانج و جە ئەنجامشەنە ٢ سه‌ربازێ کوشینێ.
"گورز جە كۆپته‌رێۋی کوبرای دریان"
هه‌مان ڕۆچ سەعات ١٢:٣٠ دەیەقێ نیمەڕۆی، بەڵام جە چەلێ سەر بە جۆلەمێرگی هێزه‌كانمان دووێ كۆپته‌رێ جە جۆرو كۆبرا-یشان کەردێنێ ئامانج و جە ئاکامەنە گورز جە یۆشان دریان و بە ناچاری جە ناوچەکەی دوور کەفتەنەۋە.
"جە شه‌مزینان و ئاڤاشین چالاکی"
دیسان هه‌مان ڕۆچ سەعات ۱۳:۰۰و نیمەڕۆێ، جە ده‌ڤه‌رو ده‌ریێ په‌نی گۆڤه‌ندێی کە سەر بە ناوچه‌و شه‌مزینان-و جۆلەمێرگ-یەن، گەریلاکێمان هێزە ئەرەگێرەکێ تورکیاشان کەردێنێ ئامانج و چاگێچە ۱ سەرباز کوشیان.
هاموەخت جە بەرزایی خوه‌دێی کە سەر بە هەرێمو ئاڤاشین-یەنە، گەریلا گورزی قورسش جە دوژمنی دان و کوشتێ و بریندارێ فرێشان بیێنێ، بەڵام جەی بارەۋە زانیاری ورد دەست نەکەفتەن.
دمای چالاکییەکەی دوژمن بێسەروبەر ناوچەکەش تۆپۋاران کەردەن و جە ئەنجامشەنە ئێر جە دارستانەکان ۋەربییەن و زیانی فرەی ماددیش بە ژیۋگەی یاۋنان.
"جە هه‌ره‌كۆل ئۆپەراسیۆ ئەنجام دریان"
جە ٢٠و حوزه‌یرانی، جە ناوچەو هەرەکۆلی کە سەر بە پارێزگاو سێرت-یەن، سپا ئەرەگێرەکەو تورکیای ئۆپەراسیۆنی سەربازیش ئەنجام دان. جە ۲۱و حوزەیرانی جە سەعات ۱۰:۰۰ سەرسەبای، باڵەپڕە جەنگییەکێ تورکیای، دەڤەرەکێ (بێمه‌ره‌ش، شه‌هید جانخۆرت، شاشك و كوناڤێ)شان بۆردومانێ کەردێنێ. دماتەر بە هەلیکۆپتەرێ سکۆرسکیێ سەربازێ جە ناوچەکەنە ۋەزنیێنیێرە. بەڵام هەمان ڕۆ سەعات ۱۲:۰۰و نیمەڕۆی، بێ پێکای ئامانجی دوژمن کۆتاییش بە ئۆپەراسیۆنەکەی ئاۋردەن. دماتەر دوژمن بانگەشەش کەردەن؛ جە ئۆپەراسیۆنەکەنە ٦ گەریلێ شەهیدێ بیێنێ. بەڵام هەۋاڵەکە دوورەن جە ڕاستی و جە پڕوپاگەندەی زیاتر هیچی تەر نییەن و پنەۋازەن گەلەمان باۋەڕ بە هەوڵێ و پڕوپاگەندێ جەنگی تایبەی نەکەرۆنە، چونکە جە ئۆپەراسیۆنەکەنە هیچ گەریلایێ شەهید نەبییەن.
"جە تاتوان بە بۆردومان ٣ گه‌ریلێ شەیدێ بیێنێ"
جە ۲۲حوزەیرانی، جە دەگاو قه‌نجا-ی سەر بە ناوچه‌و ته‌توان-ی جە پارێزگەو به‌دلیس-ی، سپاو تورکیای ئۆپه‌راسیۆنی سەربازی فراۋانش ڕاۋبەردەن. هەمان ڕۆچ سەعات ۲۱:۳۰ دەیەقێ شەۋێ، باڵەپڕە جەنگیەکێ دوژمنی ناوچەکەشان بۆردومان کەردەن و جەئاکامشەنە ٣ هامڕێ گه‌ریلێمان شەهیدێ بیێنێ و بەزوویی شناسنامەکێشان پەی ڕای گردیی ئاشکرێ مەکەرمێنە.
"جە قەرس ۱ بەکرێگیریا سزا دریان"
جە ٢٢ حوزه‌یرانی، جە دەڤەرو چه‌مچه-ی سه‌ر به ناوچه‌و قاخزمان-ی سەر بە پارێزگاو قه‌رسی، گەریلاکێمان کەسێۋی بەکرێگیریا (كۆنترا)شان بەنامێ سلێمان گولده‌ره‌ی دمای چند جاران جە ئاگاردارکەردەی به سزا یاۋنان. نامبریا جە ناوچەکەنە چەمساخی و بەکرێگیریاییش پەی دوژمنی کەردەن و جە ۲۰۱۰ جە قاخزمان دەستش بییەن جە شەهیدکەردەی هامڕێمان (فورات موونزوور ئەشناسیا بە گۆكمان ئاكپۆلات، و هاڕوون شیار ئەشناسیای بە عه‌لی جیلۆ-ی.
دمای بەسزا یاۋنای بەکرێگیریاکەی، دوژمن بە کۆپتەرێ سکۆرسکیێ سەربازێش جە ناوچەکەنە ۋەزنێنێرە و ئۆپەراسیۆنش ئەنجام دان و لاشەو بەکرێگیریاکەش بە هەلیکۆپتەر هۆرگێرتەنەۋە و جە ناوچەکە دوورش ۋستەنەۋە.
"هەرێمەکێ پارێزنای میدیای بۆردومانێ کریێنێ"
جە ٢٤و حوزه‌یرانی جە سەعاتەکێ ۱۱:۰۰ و ۱۲:۰۰و شەۋێ، دەشتایی كافیه-ی سەر بە هه‌رێمو گاره-ی جە لاو پاڵەپڕە جەنگییەکێ تورکیایەۋە بۆردومان کریان.
جە ۲٥و حوزەیرانی سەعات ۰۸:۰۰و سەرسەبای، ناوچه‌و خنێره-ی سەر بە هەرێمو خواكوركی و سەعات ٨:٣٠ و ۱۲:۰ بەرزایی هه‌كاریی سەر بە هه‌رێمو مه‌تینای جەلاو باڵەپڕە جەنگییەکێ تورکیایەۋە بۆردومانێ کریێنێ.
ئارۆچ ٢٦و حوزه‌یرانی سەعات ٧:٣٠ سەرسەبای، ناوچه‌و كێله‌شین-ی سەر بە هه‌رێمو خواكوركی جەلاو باڵەپڕە جەنگییەکێ تورکیایەۋە بۆردومان کریان.
جە سەرجەم بۆردومانەکانە زیان بە گەریلای نەیاۋان.
