ڕڤارو (زەڵم)ی وشکش کەرد
ڕڤارو (زەڵم)و هەورامانی کە سەرچەمێوی سەرەکی پەنگاوو (سیروان)یەن، وشکش کەرد.
ڕڤارو (زەڵم)و هەورامانی کە سەرچەمێوی سەرەکی پەنگاوو (سیروان)یەن، وشکش کەرد.
هەر جە ئیسەوە نیشانەکێ وشەساڵی جە هەورامان و پانیشتو کوردستانی بەرکەوتێنێ و فرێوە جە هانێ، سەرچەمێ و تەنانەت ڕڤارەکێ وشکیشان ئاومان.
بەپاو گوزارشو (هەورامان نیوز)ی ڕڤارو (زەڵم)و هەورامانی کە سەرچەمێوی سەرەکی ئاوەو پەنگاوو (سیروان/ دەربەندیخان)یەن، جە ٢٠٢١/٠٣/٢٧ی تا بە ئارۆ وشکش کەردەن.
ڕڤارو زەڵمی کە جە سەرچەمەکەش سەرچەمەو (زەڵم)ین و دلێ شارو خورماڵی و دەشتەو شارەزووریەرە گوزەر مەکەرۆن،و مجیۆرە دەریاچەو سیروانی، جە ویرەوەری خەڵکو خورماڵی و هەورامانیەنە ،ئینە پەی یەكەمین جارەن کە جە ئەچی وەختەنە وشك بکەرۆن.
هاموەخت چەنی وشکبییەی ڕڤارو زەڵمی، ژمارێو ژیوگەپارێزێ شارو خورماڵی وێبەخشانە هۆرئێستێنێ بە پاککەردەی ڕڤارەکەی جە زبڵ و خاشاکی و ئەوامەنەکان.
نە ڤارای ڤارانی و وشکبییەی هانێ و چەمێ و ڕڤارەکان، ژیوگەپارێزێ و ئەرەنیشتێ هەورامانی و پانیشتو کوردستانیش نیگەرانێ کەردێنێ و باس جەئانەی مەکەران کە ئەگەر حکومەت و لایەنە پەیوەندیدارەکێ بەزوویی پلان و بەرنامە پەی بارودۆخەکەی نەنیارە، ڕەنگەن جە هامنی ئایندەنە کارەساتی ژیوگەیی ڕووە بڎۆنە.