وەزارەتو بەرو ئەمریكای سەبەبی سەرەکیی تێکشییەی دۆخو مافەکاو ئینسانی و ئازادیی ڕۆنامەوانی و ویروڕایش هەرێمو کوردستانینە پەی هجوومە ئەرەگیرکارییەکاو تورکیای مگێڵنۆوە و ماچۆ: "دۆخو ئازادییە بنەڕەتی و مەدەنییەكا هەرێمو كوردستانینە و عێراقنە فرە ئینا خراپیاینە
وەزارەتو بەرو ئەمریكای ڕاپۆرتی ساڵانەشنە بارەو دۆخو مافو ئینسانی و ئازادیی ڕۆنامەوانی و پاشێلكارییەكا وەراوەرو ڕۆنامەواناوە هەرێمو كوردستانینە و عێراقنە، ئاماژەش پانەیە کەردەن، بەراورد بە ساڵاو وەڵێ پاشێلكارییەكاو مافو ئینسانی وەراوەرو خەڵكو عێراقی و هەرێمو كوردستان پەرەش سانان.
هەرپاسە ئاماژە پانەیچ مکەرۆ بەشێو چا پاشێلكارییا جە ئەنجامو هجوومە سەروازییەكاو توركیای و داعشینە هەرێمو كوردستانینە سەرەش وردان. ئانەش وست ڕووە، بەشێوی فرەو پاشێلکارییەکا، كە دژو مافەكاو ئینسانی و گەلاو عێراقی و هەرێمی مکریۆ و لاو ڕاپۆرتە باوڕپنەکریایەکاوە پەشتڕاس كریانۆ.
باسیچش کەردەن، فشار، هەڕەشێ، تندوتێژی و سنوورداركەردەی ئازادیی ڕابەروستەی و هەرمانێ ڕۆنامەوانیێ عێراقنە و هەرێمو كوردستانینە پەرەش سانان بییەن تەرسی سەرو ژیوایی ڕۆنامەوانا.
