هێزەکانى گەریلا هێرشیان کردە سەر ئەو سەربازانەى سوپاى تورکیا کە لە گردى کەڤۆرتێ لە ناوچەى لێلکان خۆیان جێگیرکردبوو. لەو چالاکییەدا بە لانیکەمەوە ٨ سەربازى سوپاى تورکیا کوژراون.

هێزەکانى گەریلا لە ناوچەى لێلکان لە باشوورى کوردستان لە دژى سوپاى تورکیای داگیرکەر چالاکییان ئەنجامدا. بەپێى سەرچاوە هەرێمییەکان، چالاکییەکە ئێوارەى دوێنێ و لە کاتژمێر ١٧:٤٠ خولەکەدا لە گردی کەڤۆرتێ ئەنجامدراوە.

گەریلا لە ماوەیەکى کەمدا زیانی گەورەیان لەو سەربازانە دا، کە لە کونێکدا خۆیان حەشاردابوو.

ئاماژى بەوەدەکرێت، لەو چالاکییەکدا بەلانیکەمەوە ٨ سەربازى سوپاى تورکیاى داگیرکەر کوژراون.

تاوەکو ئێستا هەپەگە راگەیاندراوى فەرمیی لەبارەى ئەو چالاکییەوە بڵاونەکردووەتەوە.