دانیشتووانی مۆسکۆ ڕۆژی یەکشەممە بۆ هەڵبژاردنی شارەوانییەکان چوونە سەر سندوقەکانی دەنگدان. ئاژانسی هەواڵی ریانۆڤستیى رووسیا بڵاویکردەوە، پارتی دەسەڵاتدار، واتە پارتی یەکێتیى رووسیا  لە ٤٥ کورسی ٢٦ کورسی بەدەستهێناوە و بوو بە گەورەترین کوتلە. پارتی یەکێتیی ڕووسیا پێشتر ٣٨ کورسی هەبوو.

بەهۆی دوورخستنەوەی ژمارەیەک کاندیدی ئۆپۆزسیۆن و چالاکییەکانی هاوین، هەڵبژاردنەکانی مۆسکۆ وەک هەڵبژاردنێکی جیاواز دەبینرا.

ئەلێکسی ناڤالنی یەکێک لەو کەسانەبوو کە خۆکاندیدکردنی قبوڵنەکرا. هەوادارانی ناڤالنی دەڵێن، دەسەلات بە ئەنقەست رێگای بە کاندیدکردنی نەداوە.

پارتی لابلۆکۆی لیبڕالی ئۆپۆزسیۆن و پارتی دادپەروەری ڕووسیاش هەریەکە ٣ کورسیان بەدەستهێناوە.

ژ.ت