گرەیت زونبێرگ کە لە هەموو جیهان خوێندکارانی لەدژی هۆکارەکانی گۆڕانکاری کەشوهەوا هەستاندە سەر پێ بوو بە سمبولێک و هەندێک کۆمپانیا ناوەکەی بەکاردەهێنن و سوودی لێوەردەگرن.

ناو و وێنەی زونبێرگی ١٧ ساڵ لە سەر کۆپی ئاوا و قاوە و تیشێرت و بەرگی تەلەفۆن و یاری منداڵان چاپدەکرێت و دەفرۆشرێن و ئەو دۆخەش زونبێرگی نیگەران کردووە و لە مانگی ئابی ساڵی ڕابردوو ڕایگەیاندبوو، ئەو ناو و وێنەکەی بە هیچ کۆمپانیایەک نەداوە و کەس هەڵنەخەڵەتێ.

لەگەڵ ئەوەشدا بازرگانیکردن بە ناوی ئەو چالاکوانە بچووکە ڕانەگیراوە، بگرە هەندێک نووسینگەی خانوبەرە و بیمەش بە ناوی ئەوەوە کراونەتەوە. هەروەها یاریەک کە لە شێوەی زونبێرگ دروستکراوە بە ٨١ یۆرۆ و پەیکەرێکی بچووکی زونبێرگ بە ٤٠ یۆرۆ و کڵاوێکیش کە ناوەکەی لەسەر نوسراوە بە ٣٠ یۆرۆ دەفرۆشرێت.

سەردانی یەکێتی ئەوروپای کرد

گرەیت زونبێرگ لەدژی ئەو کەسانەی ناو و نازناو و وێنەکەی بەکاردەهێنن، سەردانی نووسینگەی خۆیەتی هزری یەکێتی ئەوروپا کرد و سکاڵای تۆمار کرد.

گرەیت زونبێرگ لە ساڵی ٢٠١٨ دا کە ئەو کاتە ١٥ ساڵی تەمەن بوو لە بەردەم پەرلەمانی سوید مانی گرت و داوای بایکۆتی خوێندنگاکانی کرد. داوای لە سیاسەتمەداران کرد لەدژی هۆکارەکانی گۆڕینی ئاو و هەوا کار بکەن.

ف.ق