ماکرۆن لە چوارچێوەی ئاهەنگی ٧٠یەمین ساڵەی دامەزراندنی ئەنجومەنی ئەوروپا لە ستراسبۆرگ قسەی کرد، ڕەخنەی توندیشی لە تورکیا گرت. ماکرۆن سەرنجی ڕاکێشایە سەر پارێزەرانی مافەکانی مرۆڤ و ئەوانەی بنەماکانی دیموکراسی دەپارێزن لە تورکیا و ڕایگەیاند، بەو شێوەیە لە بنەماکانی مافی مرۆڤ و یاسای دەوڵەت دور دەکەوێتەوە.

ماکرۆن ئاماژەی بەوەش کرد، تورکیا بابەتی کۆچبەر و پەنابەران وەکو کەرەستەیەکی گوشار بەکاردەهێنێت. باسی لەوەش کرد هیچ کات ملکەچی ئەو گوشارانە نابن.

ماکرۆن ئەوەشی وەبیر هێنایەوە، دەبێت تورکیا بەپێی ئەو پەیمانەی سێ ساڵ لەمەوبەر لەسەری ڕێککەوتبوون بجوڵێتەوە و ڕایگەیاند، حکومەتی ئاکەپە دەیەوێت بە بەکارهێنانی کۆچبەران لە سوریا شوێنیک بۆ خۆی دروست بکات، ئێمەش قەبوڵی ناکەن.

ک-ش