مەراسیمەکە بە خولەکێک بێدەنگی بۆ یادی شەهیدانی ئازادی کوردستان دەستیپێکرد. دواتر هاوسەرۆکانی ئەنجومەنی گەلی کورد بەخێرهاتنی بەشداربووانیان کرد و لە وتەکانیاندا هێرشەکانی سەر باکور و رۆژهەڵاتی سوریایان هەڵسەنگاند و ئەوەش خرایەڕوو کە ئەو نەمامەی بەر لە ٤٦ ساڵ لەلایەن بزوتنەوەی ئازادییەوە چێنراوە، ئەمڕۆ لە رۆژئاوا رەگی داکوتاوە.

هاوسەرۆکی کۆن-مەد کەرەم گۆکیش وتی، بزوتنەوەی ئازادی قوربانی زۆری بەخشیوە و لەسایەی ئەو قوربانیدانەیە ئەمرۆ پێکەوە کۆبوونەوە. گۆک سڵاوی ئاراستەی سەرجەم شەڕڤانان بەتایبەتی لە رۆژئاوا و سەرچیا کرد.

دواتر هاوسەرۆکی فەد-دەم سەباحەت ئەرگین وتاری پێشکەش کرد.

لە بەشی کولتوری مەراسیمەکەدا هۆزان سەرفراز، فارقین ئازاد، بەسەر شاهین و سلاڤا رۆژئاوا گۆرانیان پێشکەش کرد.

لە مەراسیمەکەدا کە هەڵپەڕکێ کرا، دروشمەکانی "بژی سەرۆک ئاپۆ"، "بژی پەکەکە" و "بژی بەرخودانی گەریلا" وترانەوە.