نۆزدەهەمین ڤیستیڤاڵی زیلان لە ئەڵمانیا بە درووشمی 'بە فەلسەفەی ژن، ژیان، ئازادیییەوە دەستکەوتەکانمان دەپارێزین' دەستپێکردووە و تێیدا چەندین کوردستانی لە زۆربەی وڵاتانی ئەوروپا و ناوخۆی ئەڵمانیاوە بەشداری فێستیڤاڵەکە بوون.

سەرەتا ڤیستیڤاڵەکە بە خولەکێک وەستان بۆ گیانی پاکی شەهیدان بە وتاری هاوسەرۆکایەتی هەردوو ڕێکخراوی کۆن-مەد و کەجەدەکەی ئەوروپا دەستیپێکرد.

لە ڤیستیڤاڵەکەدا هەزاران کەس لە ڕەوەندی کورد و دۆستانی کورد لە زۆربەی وڵاتانی ئەوروپا و ناوخۆی ئەڵمانیا بەشدار بوون و بڕیارە بە کۆنسێرت و ئاهەنگ هەتا ئێوارەی ئەمڕۆ بەردەوام ببێت.

ساڵانە لەگەڵ نزیکبوونەوەى ساڵیادی شەهیدبوونى زیلان کناچی  ڤیستیڤاڵی زیلان لە ئەوروپا و بەشەکانی کوردستان بە بەشداری هەزاران لە کوردان و دۆستانی کورد بەڕێوە دەچێت، لەو ڤیستیڤاڵەدا وتار و ئاهەنگ و بابەتى گرنگ و سەرنجڕاکێش پێشکەش دەکرێن.