لە چوارچێوەی پیرۆزکردنی ٨ـی ئاداردا بە ڕێپێوانێکی جەماوەری لە شاری هێلسنکی ئەو ڕۆژە پیرۆز کرا، لە ڕێپیوانەکە ئاڵای بە وێنەی ژنانی شەهیدی ڕێگەی تێکۆشانی ئازادی ژنان و یەپەژە بەرزکرانەوە و بەر بەردەوامی درووشم دەگوترانەوە.

چالاکییەکە کە لە لایەن چەندین ڕێکخراوی فیمنیستی و چەپاکەنەوە بە بەشداری نەجەدەکە ڕێکخرابوو، لە گۆڕەپانی سیناتۆران بە ڕێپێوان دەستیپێکرد.

لە گۆڕەپانەکەدا لە لایەن ڕێکخراوەکانەوە ڕاگەیاندراو خوێندرایەوە و میوزیکی هونەری پێشکەشکرا. یەک لەو کەسانەی لە گۆڕەپانەکەدا قسەی کرد سەرۆککۆماری پێشووی فیلەندا تارژا هالۆنین بوو.

دواتر چالاکییەکەران درێژەیان دا بە ڕێپێوانەکەیان و تا گۆڕەپانی گەل بەردەوام بوون. لەوێ چەندین ڕاگەیاندراو لە لایەن ڕێکخراوە بەشداربووەکان و کەسایەتی چالاکوانەوە درا.