سەرسەبای ٣ شەممەی ویەردەی، جە دەگاو سەرگەتێ سەر  بە ناوچەو هەورامانی جە دیمو پانیشتو کوردستانی، هێزەکێ پاسەوانی سنوری سەر بە هەرێمو کودرستانی تەقەشان جە خەڵکی ناڕازی کەردەن کە دژ بە دەستگیرکەردەی ٢ کاسبکارێ ناوچەکەی کۆبیێبێنێ.
.جە ئی بارەوە کەسێوی نزیک جە ڤییەرەکەی بە ئاژانسو هەواڵو فورات (ANF)یش وات: "دمای ئانەیە کە پاسەوانێ سنوری ٢ کەسێ ناوچەکەی جە سنور دەستگیرێ مەکەرانێ کە پیشەشان کاسبکاری و کۆڵبەری سەر سنورین و دەست مەگێرانێ سەرو کەلوپەلەکانشارە، ئەرەنیشتیێ ناوچەکەی وەردەمو بنکەو پاسەوانیسەر سنوریەنە جە سەرگەتە دژ بە دەستگیرکەردەکەی ناڕەزایەتی نیشانە مڎانە و بە هۆکارو ئانەیە ئاڵۆزی جە میانو خەڵکەکەی و پاسەوانێ سنوریەنە دروست مەبۆنە. جە ئاکامەنە پاسەوانەکێ تەقە جە خەڵکە ناڕازیەکەی مەکەرانێ و هاوڵاتی سەیوان قانع بانیشاری تەمەن ٣٥ ساڵێ کە پیشەش کۆڵبەرەن مەپێکیۆنە و دەمودەست گیان مەسپارۆنە.
هامکات وەرپرسیارو بنکەو پاسەوانی سنوری بەنامێ هاوڕێ مەجید-ی بە تەوەنەو خەڵکی ناڕازی بریندار مەبۆنە.
زانیان کە بە بڕیارو داواكاری گردیی هەڵەبجەی فەرمان پەی دەستگیرکەردەی تەقەكەرەكان بەرشییەن و جە چوارچێوەشەنە ٥ کەسێ دەستگیرێ و زیندانیێ کریێنێ.

جە هەر دووێ دیمێ هەورامانی و کوردستان-یەنە بە هۆکارو نەبییەی هەرمانێ و کەمی دەرامەتی، خەڵکانێوی فرێ پەی دابین کەردەی بژیویشان جە سنورەکانە کۆڵبەری مەکەرانێ. بەڵام دەسەڵاتدارێ ئێرانی و هەرێمو کوردستان ڕاگیریشان ونە مەکەرانێ و فرە جارێ پاسدارێ و هێزە ئەمنیەکێ ئێرانی بە گوللێ ڕووبەڕووێ کاسبکارێ و کۆڵبەرەکان مەبانێوە. تا ئیسە سەڎان کۆڵبەرێ بە گوللێ هێزەکانو ئێرانی کوشیێنێ و بریندارێ بیێنێ. هاموەخت چەنڎین کۆڵبەرێ بەهۆو سەختی ڕاوبانەکان و سەردا و زوقموز زمسانی گیانشان ئەسپاران.