وۆرکشۆپی "منداڵان دواڕۆژی کۆمەڵگای ئازادن" کە لەلایەن شارەوانی ئامەدەوە بەڕێوە دەچێت، لە دووەم ڕۆژیدا بەردەوامە. خەڵکێکی زۆر لە وۆرکشۆپەکەدەشدارییان کردووە. دانیشتنی "پەروەردەی زاراوەکانی زمان و ڕۆڵی بنەماڵەکان" بە ئامادەبوونی شێرکۆ کانیوار ڕێکخەری ما میوزیک، مامۆستای کۆمەڵەی لیکۆڵینەوەی زمان و کولتووری میزۆپۆتامیا (MED-DER) سوزان ڤەژان تاتل و ئەندامی کۆمەڵەی دەروونناسانی میزۆپۆتامیا (DER-MEZ) موراد بورتاکوچین بە پێشکەشکردنی وتار بەڕێوە چوو.

شێرکۆ کانیوار باسی لەوە کرد کە زارەکانی سۆرانی، کرمانجی و کرمانجەکی لە ئامەد قسەیان پێدەکرێن و سەرنجی خستەسەر گرنگی زمان و سیاسەتەکانی ئاسمیلەکردن و نکۆڵی کە بەساڵانە لە دژی گەلی کورد بەردەوامە. کانیوار باسی لەوەشکرد کە پێویستە بنەماڵەکان لە ماڵەوە بە زمانی کوردی قسە بکەن و وتی: "ئەگەر زمان لە ماڵەوە بەپارێزراوی بەکار بهێنریت، منداڵانیش زمانەکەیان فێر دەبن و دەیپارێزن."

هەروەها سۆزان ڤەژان تاتل ڕایگەیاند کە پێویستە هەر کەس خاوەنداری لە زمانی خۆی بکات و وەک زمانی دایکی پێناسەی بکات. سۆزان ڤەژان تاتل وتی: "زمانی دایکی بناغەی هەر کۆمەڵگایەکە، چونکە مرۆڤ بە زمانی دایکی لەدایک دەبێت و هەموو شتێک بەو زمانە پێناسە دەکات، عەقڵیەتی کۆمار لەسەر یەکپەرەستی بنیات نراوە و بەم لۆژیکەوە بەردەوامە. سۆزان ڕایگەیاند کە دەبێت خەباتی زمان، ببێتە خەباتی بنەڕەتی."

هەروەها موراد بورتاکوچین تیشکی خستە سەر هۆکارەکانی نەبوونی خواست و هۆکاری نەناردنی منداڵ بۆ شوێنی منداڵان و دامەزراوەکانی زمانی کوردی و وتی: "ئەو منداڵانەی بە زمانی دایکی گەورە دەبن لە هەموو بوارێکدا چالاکترن، کاریگەرییەکی زۆر لەسەر مێشک و زمانی دایکی هەیە، ئەو منداڵانەی بە زمانی دایکی گەورە دەبن، بە پێی زمانی دایک بیر و ڕۆحی خۆیان دەژین، ناسینی زمانی دایک فێربوونی زمانەکانی دیکە ئاسانتر دەکات. مرۆڤ تا زیاتر زمان بزانێت، مێشکی زیاتر لەهەموو ڕوویکەوە گەشە دەکات."

یڵدریم ئەرسلان و ساڵح ئۆنگون وتاریان پێشکەش کرد و ئاماژەیان بە بەرەو پێش بردنی زمان و کولتوور و پەروەردە بەزمانی دایکی دا و ئاماژەیان بەوەدا کە پێویست بە گفتوگۆ لەسەر پەروەردە و بنیاتنانی ژیانێکی نوێ لە چوارچێوەی بانگەوازییەکەی ڕێبەر ئاپۆ هەیە.

دوای وتارەکان بە بەشداری ئامادەبووان گفتوگۆەکان بەردەوام بوو.

وۆرکشۆپەکە لەسەر ناوی "مامۆستایانی سیستەمی ئیکۆلۆژی، دیموکراتیک و ئازادی ژنان" بەردەوام بوو.