٣١و ئاب-و ٢٠١٨ی جە دەڤەرو دەهمای گازی تەپەی سەر بە ناوچەو کۆزلوک-و پارێزگەو ئێلح (باتمان)و باکورو کوردستانی، جەنگ میانو گەریلای و سەبربازە داگیرکەرەکانو توریایەنە قۆمیا بێ و جە ئەنجامشەنە ۲ سەربازێ کوشیێ بێنێ و گەریلێۋیچ شەهید بیەبێ.

 دمای جەنگەکەی سپا جەنگەرانەکەو تورکیای جە ناوچەکە بە پەشتیۋانی جەردەوانان و یەکینە تایبەتەکان ئۆپەراسیۆنی سەربازیش فراۋانش دەست پنە کەردەبێ و ئۆپەراسیۆنەکە ناوچەکێ "زەنگۆڤی، هافیکێ، سەید هافی، تیمکۆ، موشریتا، رەشید دارا، گوندێ نو، دێرشەوان و جەزنێ"ش گێرتەبێۋە و ئۆپەراسیۆنکارە داگیرکەرەکێ دارستانەکێ ناوچەکاشان سۆچنێنێ و هۆرشانکوان سەرو فرێۋ جە یانەکانو هاموڵاتیانی و بێڕێزی و سوکایەتیشان پنە کەردێنێ.

سەربازێ و جەردەۋانێ و چەکدارەکێ یەکینە تایبەتەکانیچ، جە ئۆپەراسیۆنەکەنە ماشینو هاموەڵاتیانی بەکاربەرانە و کۆپتەرێ جەنگیێ بەردەۋام ئاسمانەرە سوڕیاۋە و گەرمارۆ ۋزیان سەرو ژمارێۋی فرە جە دەگانشینەکان.
 
ئۆپەراسیۆنەکە تا ئامادەکەردەی ئی هەۋاڵ-یە بەردەۋامەن.