دژە تەرۆر شناسنامەو ۳ هێرشبەرەکەو هۆلێر-یش ئاشکرا کەرد
دەزگاو دژە تەرۆرو هەرێمو کوردستانی جە پەلیانە فەرمیەکەشەنە، شناسنامەو ئا ۳ چەکدارەیشە ئاشکرا کەرد، کە سەر سبای ئارۆی هێرشا کەردەبێ سەرو باڵەخانەو پارێزگا هۆلێری.
سەعات ۰۷:٤٥ دەیەقێ سەرسەبای ئارۆی دلێ شارو هۆلێر-یەنە، ۳ چەکدارێ هێرششا کەردەبێ سەرو باڵەخانەو پارێزگای و هێرشبەرەکێ سەرەتا تەقەشا جە پۆلیسە پاسەوانەکا کەردەبێ و پۆلیسێۋشا بریندار کەردەبێ و کارگوزارێۋشا کوشتەبێ و دماتەر دەربازێ دلێ باڵەخانەکەی بیێنێ و کۆنترۆڵشا کەردەبێ.
دما بەدمای هێرشەکەی، هێزەکێ ئاسایشی و دژە تەرۆری دەسۋەردایشا کەردەبێ و دمای ٤ سەعاتا هەر یەرە چەکدارە هێرشبەرەکەێشا کوشتێ بێنێ و کەسە بە بارمتەگیریاکە کە کارمەندو کارگوزاری باڵەخانەکەی بیەن ئازادشا کەردەبێ.
دەزگاو دژە تەرۆرو هەرێمو کوردستانی جە پەلیانە فەرمیەکەشەنە بە ۋەڵاکریێۋ شناسنامەو هێرشبەرکاش ئاشکرا کەردەن، بەڵام زانیاریش نەڎان سەر بە کام لایەنیەنێ.
دەزگاکە زانیاری زیاتەرش دان و ۋستەنش ڕووە، کە هێرشبەرکێ کوردێ هۆلێری بیێنێ و ئەرەنیشتی گەڕەکو(قەڵاتی نوێ)ی بیێنێ و شناسنامەکێش پەی جۆرە ئاشکرا کەردێنێ:
ره‌هێڵ محه‌ممه‌د رۆسته‌م مووسا، جە ئەڎبیەی ٢٠٠٢، وانکار(مسیار)و ئامادەیی
بیلال سلێمان عه‌بدولڕه‌حمان ئه‌حمه‌د، جە ئەڎابیەی ٢٠٠٠، وانکار(مسیار)و ئامادەیی
عه‌بدولره‌حمان ره‌حیم قادر حوسێن، جە ئەڎابیەی ٢٠٠٢، وانکار(مسیار)و ئامادەیی
