ئارۆ شەممە، جە بارەگاو پارتو ئازادی و دیموکراتیی ئێزیدی (پادێ - PADÊ)، جە گەڕەکو عەلی ناجی شارو سلێمانیێ، پەرسە پەی مام زەکی شەنگالی، ئەندامو کۆردیناسیۆنو جڤاکی ئێزیدی و هاموەخت ئەندامو کۆنسەو ڕاۋەبەری کۆماجڤاکێن کوردستانی-کەجەکە، نریارە و ژماریێۋی فرێ جە خەڵکی بەشدارێش بیێ. 

سەرەڕا جەماوەری، ژمارێۋ جە نمایندەکانو پارت و لایەنە سیاسی و مەدەنیەکانو چوار پارچەو کوردستانی ئامادەو پەرسەکەی بیێ و  پەرسە وسەرەوەشی وێشان ئاڕاستەو ئێزیدیەکان و گەلو کوردی کەرد. هاموەخت سەرکۆنەو هێرشەکەو تورکیای پەی سەرو شەنگالی و شەهیدکەردەی مام زەکی شەنگالیشان کەرد.

جەی چوارچێۋەنە، حاجی ئازاد، هامسەۆکو هەرێمو سلێمانیۍو جمیەری ئازادی گلێرگەو کوردستانی، ۋاتش: جارێ تەر کورد ڕۆڵێۋش جە دەستدا کە ٤۰ ساڵێ تەمەنیش پەی خەباتی و ئازادی کوردی و مرۆڤایەتی تەرخان کەردەبێ.
حاجی ئازاد، ئاماژەش بە کەسایەتی مام زەکی شەنگالی دا، کە پەی کوردی خاوەن نرخ و بەهای گەورە بێ و ۋاتەنش: بەڵێن مڎمێنە درێژەدەرێ ڕێبازەکەیش بێمێنە و بە زوویی تۆڵەش بکەرمێۋە.

سەبارەت بە پەرسەو شەهید مام زەکی شەنگالی، شێخ جەمال بەرپرسیارو پادێ-PADĔی جە سڵێمانیێ، بە ANFیش ۋات: پرسەکە ۳ ڕۋێ بەردەۋامەن و هەر کەس و لایەنێ گەرەکشەن بەشدارش بۆنە بەرەمان ئەوەکریان و خێرئامیشان مەکەرمێنە. بەشداری کەردەیچ جە پرسەکەی ئەرکەن، چونکە مام زەکی شەنگالی تنها شەهیدو ئێزیدیەکانی نییەن، بەڵکو شەهیدو سەرجەم گەلو کوردیەن.