هه‌په‌گه: جە نسێبین ٣ ئه‌فسه‌رێ و ٢ سه‌ربازێ توركیای کوشیێ
هەپەگە ئاشکراش کەرد، جە شارچەو نسێبینی سەر بە پارێزگەو مێردینی، زرێپۆشێۋی سەربازی دلێنەبریان و ۳ ئەفسەرێ و ۲ سەربازێ تورکیای کوشیێنێ و ۷ تەریچ بریندارێ بیێنێ.
جەی بارەۋە دلێگەو یاۋنەری هێزەکانو پارێزنای گەلی-هەپەگە، ۋەڵاکریاش دان و کە دلێشەنە ئامان:
۳۱ ئابی سەعات ۱۰:۳۰ دەیەقێ، جە چوارچێۋەو هەڵمەتو شۆڕشگێڵی "شەهید دەلال و شەهیدانو بەستای"، جە گەڕەکو پراكه‌ت-و ناوچه‌و نسێبین-ی سەر بە پارێزگەو مێردینی، گەریلا چالاکیش دژو زرێپۆشێۋی سەربازی ئەنجام دان.
جە چالاکیەکەنە، زرێپۆشەکە بە تەمامی دلێنەبریان و ۳ ئەفسەرێ و ۲ سەربازێ سەرنشینیش کوشیێنێ و ۷ سەربازێ تەرێ بە سەختی بریندارێ بیێنێ. دمای چالاکیەکەی هێزەکێ دوژمنی ئۆپەڕاسیۆنی سەربازی فراۋانشان جە ناوچەکەنە ئەنجام دان.
